FIFA prezientavała vobrazy talismanaŭ čempijanatu śvietu pa futbole 2026 hoda. Turnir adbudziecca ŭ ZŠA, Mieksicy i Kanadzie, tamu abrali troch talismanaŭ.
Maskotami abranyja łoś Mejpł, jaki pradstaŭlaje Kanadu, jahuar Zaju — Mieksiku i arłan Kłatč — ZŠA.
Pavodle słoŭ pres-słužby FIFA, talismany buduć adlustroŭvać duch i kulturu svaich krain.
«Kamanda čempijanatu śvietu — 2026 stała bolšaj i jašče viesialejšaj! Mejpł, Zaju i Kłatč poŭnyja radaści, enierhii i duchu adzinstva, jak i sam čempijanat śvietu pa futbole», — skazaŭ prezident FIFA Džani Infancina.
Nastupny čempijanat śvietu pa futbole projdzie z 11 červienia pa 19 lipienia 2026 hoda. Upieršyniu jon projdzie ŭ troch krainach. Hulni adbuducca ŭ 16 haradach ZŠA, dvuch Kanady i troch Mieksiki.
Upieršyniu ŭ čempijanacie śvietu voźmie ŭdzieł 48 zbornych (z 1998 hoda było pa 32).
12 hrup pa 4 kamandy ŭ kožnaj, a ŭ płej-of buduć vychodzić kamandy, što zaniali 1‑ie i 2‑ie miescy, a taksama 8 najlepšych kamand, što zaniali 3‑ie miesca. Akramia taho, dadadzienaja novaja stadyja ŭ płej-of — 1/16 finału.
Zbornaja Biełarusi biare ŭdzieł u adbory, u našaj hrupie hulajuć kamandy Hrecyi, Danii i Šatłandyi.
Na suśvietnaje pieršynstvo vychodzić pieramožca hrupy, a zbornaja, što zojmie druhoje miesca, paŭdzielničaje ŭ dadatkovych adboračnych matčach.
Biełarusy prajhrali pieršyja dva matčy Hrecyi i Šatłandyi, 9 i 12 kastryčnika — hulni z Danijaj i Šatłandyjaj.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki6
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
ČS 1994 ŭ ZŠA možna było pabačyć pieravažnuju bolšaść matčaŭ u zvyčajny čas viečaram. Bo tam bolšaść matčaŭ šła ŭ dzień.
Mahčyma heta budzie ŭličana i bolšaść matčaŭ projdzie ŭ ZŠA, Kanadzie i Mieksicy dniem. Kali nadvorje dazvolić i nia budzie nadzvyčajnaj śpiakoty.