Biełaruskaje pradpryjemstva «BKM Chołdynh» sumiesna z rasijskimi partniorami pracuje nad stvareńniem bieśpiłotnaha tramvaja. Jak paviedamiŭ hienieralny dyrektar kampanii Taras Muroh, pieršasnyja testy płanujuć pravieści ŭ Mazyry, piša BiełTA.
U Minsku ŭžo ŭkaraniony pieršy ŭzrovień dapamohi kiroŭcu (sistema ADAS) na 20 tramvajach — jana raspaznaje pradmiety, piešachodaŭ, śviatłafory, abmiežavańni chutkaści. Pa słovach Muroha, technika padrychtavana da dalejšaha ŭkaranieńnia ŠI, chacia sama jašče im nie abstalavana.
«Siońnia luboje dyśpietčarskaje depo pry nieabchodnaści moža dystancyjna, praz Wi-Fi, atrymlivać usiu nieabchodnuju infarmacyju ŭ adpaviednaści z techničnym zadańniem — ad napružańnia batarei da vyjaŭ z kamier. Što tyčycca ŭkaranieńnia štučnaha intelektu, dyk, jak i ŭ inšych śfierach, heta ŭ pieršuju čarhu jurydyčnaje pytańnie, a nie techničnaje», — prakamientavaŭ Muroh.
Taksama pradpryjemstva płanuje stvaryć tramvaj, jaki pry adklučeńni pantohrafa zmoža prajechać kala 20 km na batarei, jak tralejbus.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy19
Kamientary