U Biełarusi ŭ chutkim časie źjavicca novy ajčynny brend pad nazvaj Zubr. Źbirać mašyny buduć na zavodzie «Junison», piša av.by.
Jak adznačyli ŭ kampanii, aficyjny sajt navastvoranaj marki pavinien byŭ poŭnaściu zapracavać užo 1 śniežnia. Pry hetym pieradzakazy na aŭtamabili prymajucca.
Usiaho zajaŭlena piać madelaŭ: Legenda (ad 59 900 rub., abo pryblizna $20 600 u ekvivalencie), Volat (ad 59 900 rub.), Talisman (ad 71 900 rub., abo $24 720), Zorka (75 000 rub., abo $25 800) i Relikt (ad 79 900 rub., abo $27 500).
Charakterna, što na aŭtamabili adrazu ž prapanujuć pryvabnuju kredytnuju prahramu terminam da 10 hadoŭ sa staŭkaj usiaho ad 1,9% hadavych. Jak adznačajuć u kampanii, z časam uzrovień łakalizacyi «Zubroŭ» budzie raści, jany stanuć atrymlivać usio bolš biełaruskich kamplektujučych.
Donarami dla «Zubroŭ» źjaŭlajucca madeli marki Forthing (jana ž Fengxing u KNR). Pieršy aŭtamabil brenda Forthing («Fortynh») źjaviŭsia ŭ 2001 hodzie. Na siońnia madelny šerah kitajskaj kampanii ŭklučaje kampaktnyja i siaredniepamiernyja krasoviery, miniveny i MPV.
Adznačym, što z 2023‑ha prodažy aŭtamabilaŭ hetaj marki pačalisia ŭ Rasii, a ź viasny 2024‑ha niekatoryja madeli pačali źbirać na mahutnaściach kalininhradskaha «Aŭtatora».
Uziatyja za asnovu pratatypy madelaŭ byli adaptavanyja da biełaruskaha klimatu z vykarystańniem łakalnaj vytvorčaści na ajčynnym zavodzie «Junison» (u Kitai jany pradajucca pad nazvami SX3, T5, T5L, T5 EVO i Hedmos).
Na sajcie marki možna paznajomicca z padrabiaznaj infarmacyjaj ab asnaščeńni mašyn. Pieršyja «žyvyja» aŭtamabili pavinny źjavicca ŭ šourumie dylera bližej da vychodnych.
-
U heta składana pavieryć, ale niekatoryja aŭto ŭ Biełarusi kaštujuć našmat tańniej, čym u Jeŭropie. Jak takoje mahčyma?
-
Bolš za pałovu mašyn, jakija zhareli sioleta ŭ Biełarusi, nie mieli dziejnaha techahladu
-
Pradaviec kitajskich elektramabilaŭ, jaki budavaŭ maštabnyja płany, abviaściŭ ab bankructvie
Kamientary