Maskva zajaviła, što Kijeŭ rychtuje pravakacyju: chočuć zakinuć u Polšču dyviersijnuju hrupu z Pałka Kalinoŭskaha
Słužba źniešniaj raźviedki Rasii (SVR) raspaŭsiudziła zajavu, u jakoj śćviardžajecca, što ŭkrainski bok rychtujecca pierakinuć dyviersijna-raźviedvalnuju hrupu ŭ Polšču. U jaje skład, pavodle SVR, mohuć uvajści bajcy biełaruskaha Pałka Kalinoŭskaha i rasijskaha Lehijonu «Svaboda Rasii», jakija vajujuć na baku Ukrainy. Ukrainski bok chutka adreahavaŭ na heta.
Rasijskaja vyviedka zajaŭlaje, što meta — «pravakacyja», u tym liku mahčymaja imitacyja ataki na abjekty krytyčnaj infrastruktury Polščy. U SZV śćviardžajuć, što nibyta i polskija śpiecsłužby ŭciahnutyja ŭ padrychtoŭku scenara razam z ukrainskaj vyviedkaj.
«Kijeŭski režym paśla arhanizavanych im pravakacyj z BPŁA ŭ pavietranaj prastory Polščy i Rumynii nie pakidaje sprob uciahnuć jeŭrapiejskija krainy NATA va ŭzbrojenaje supraćstajańnie z Maskvoj. U prapracoŭcy čarhovaja pravakacyja. Hetym razam intryha pavinna razhortvacca vakoł zakinutaj na polskuju terytoryju dyviersijna-raźviedvalnaj hrupy, jakaja nibyta składajecca z vajennasłužačych śpiecpadraździaleńniaŭ Rasii i Biełarusi. Kandydaty dla ŭdziełu ŭ insceniroŭcy padabranyja. Heta bajeviki, jakija vajujuć na baku USU, z «Lehijona «Svaboda Rasii» i biełaruskaha «pałka imia K. Kalinoŭskaha», — havorycca ŭ zajavie SVR.
Pavodle scenara SVR, paśla «vyjaŭleńnia i niejtralizacyi» DRH členy hrupy vystupiać pierad ŚMI i daduć pryznalnyja pakazańni, «vykryvajučy Rasiju i Biełaruś u sprobie destabilizacyi abstanoŭki ŭ Polščy».
Aficyjny Kijeŭ rezka i chutka abvierh hetyja abvinavačvańni. U Centry pa baraćbie z fejkami pry Radzie nacyjanalnaj biaśpieki i abarony Ukrainy zajavili, što nasamreč mienavita Rasija moža rychtavać padobnuju pravakacyju z metaj destabilizacyi situacyi na miažy Polščy i vyprabavańnia reakcyi krain NATA.
Kiraŭnik Centra Andrej Kavalenka zajaviŭ:
«Naryškin i SVR RF faktyčna anansavali ŭłasnyja płany. Hałoŭnaja meta — pravierka reakcyi Aljansu, a taksama sproba paŭpłyvać na hramadskuju dumku ŭ Jeŭropie, kab napałochać i źnizić uzrovień padtrymki Ukrainy».
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary