Izrail spyniŭ sudny fłatylii Hrety Tunbierh, sama Hreta zatrymanaja

MZS Izraila ŭ sieradu viečaram zajaviŭ, što izrailskija vajennyja maraki spačatku papiaredzili sudny fłatylii, što išli napieradzie, što jany nabližajucca da zony bajavych dziejańniaŭ, i zapatrabavali źmianić kurs, a paśla spynili niekalki sudoŭ, padnialisia na bort i pačali zatrymlivać i pierapraŭlać prapaleścinskich aktyvistaŭ u port Ašdod.

Na sajcie «Hłabalnaj fłatylii Sumud» («sumud» pa-arabsku — «tryvałaść») apoŭnačy paviedamlałasia, što zatrymanyja 9 z 44 sudnaŭ fłatylii.

Pres-słužba HFS zajaviła, što zatrymańnie sudoŭ fłatylii niezakonnaje i źjaŭlajecca nachabnym aktam adčaju z boku izrailskich vajskoŭcaŭ.

«Heta jasna pakazvaje, na što hatovyja pajści akupanty, kab Haza i dalej haładała i zastavałasia ŭ błakadzie… Jany hatovyja napaści na mirnuju hramadzianskuju misiju, bo paśpiachovaja dastaŭka humanitarnaj dapamohi aznačała b pravał ich błakady», — zajaviła HFS u sacsietkach.

Izrail zajaŭlaŭ, što sproba prarvać marskuju błakadu Hazy i dastavić u siektar adnosna nievialiki abjom praduktaŭ na małych sudnach — heta vyklučna hulnia na publiku, i prapanavaŭ aktyvistam, što płyli na hetych sudnach, vyhruzić svaju humanitarnuju dapamohu ŭ izrailskim porcie i paśla pravierki pryvieźci jaje ŭ siektar pa sušy. Tyja admovilisia.

MZS Izraila apublikavała videa z Hretaj Tunbierh. Jana siadzić na pałubie sudna pobač ź izrailskim vajskoŭcam, a toj pieradaje joj kurtku i vadu. «Hreta i jaje siabry žyvyja i zdarovyja», — zapeŭniŭ urad Izraila.

Arhanizatary fłatylii zajavili, što pierachoplenyja suda znachodzilisia za 70 marskich mil (bolš za 126 km) ad bieraha siektara Haza i raźličvali dajści da bieraha da ranicy čaćviarha. Jany abvinavacili izrailskich marakoŭ u tym, što tyja zahłušyli suviaź sudnaŭ fłatylii, kab jany nie zmahli pakazać pierachop u pramym efiry ŭ sacsietkach.

Izrail užo dvojčy — u červieni i lipieni — spyniaŭ sproby prapaleccinskich aktyvistaŭ prarvać marskuju błakadu Hazy, zatrymlivaŭ sudny i potym departoŭvaŭ tych, chto na ich płyli, u tym liku i Hretu Tunbierh.

U niadzielu jana adchiliła abvinavačańni Izraila ŭ hulni na publiku, zajaviŭšy: «Nichto b nie staŭ ryzykavać žyćciom dziela hulni na publiku».

Na sudach fłatylii siarod prykładna 500 prapaleścinskich aktyvistaŭ u bok Hazy płyli palityki ź Italii i Francyi. Arhanizatary fłatylii zajavili, što pierachoplenyja suda znachodzilisia za 70 marskich milaŭ (bolš za 126 km) ad bieraha siektara Haza i raźličvali dabracca da bieraha da ranicy čaćviarha. Jany abvinavacili izrailskich marakoŭ u tym, što tyja zahłušyli suviaź sudoŭ fłatylii, kab jany nie mahli pakazać pierachop u pramym efiry ŭ sacsietkach.

Izrail užo dvojčy — u červieni i lipieni — spyniaŭ sproby prapaleścinskich aktyvistaŭ prarvać marskuju błakadu Hazy, zatrymlivaŭ suda i potym departavaŭ tych, chto na ich płyli, u tym liku i Hretu Tunbierh.

U niadzielu ŭ efiry Bi-bi-si jana adchiliła abvinavačańni Izraila ŭ hulni na publiku, zajaviŭšy: «Nichto b nie staŭ ryzykavać žyćciom dziela hulni na publiku».

• 13
• 0
• 3
• 2
• 0
• 0
• 2
• 0