Viačorka pra zajavu Łukašenki: Pakul nijakaj kankretyki vakoł hetaj ździełki niama
Daradca Cichanoŭskaj nazvaŭ tyja kroki, jaki mahli b stać častkaj vialikaj ździełki.
Alaksandr Łukašenka siońnia na naradzie zajaviŭ, što hatovy zaklučyć vialikuju ździełku z ZŠA.
«Budziem čakać ich [amierykancaŭ] prapanovy hłabalnych, vialikaj ździełki, jak jany ŭmiejuć kazać (lubiać jany hetyja vialikija ździełki). My da hetaha hatovy. My hatovyja ź imi zaklučyć vialikuju ździełku.
Na adnoj čašy šalaŭ ich pytańni, prośby i patrabavańni, na inšaj čašy šalaŭ — našy pytańni i patrabavańni. Rašajem? Davajcie budziem vyrašać. My da hetaha hatovy.
Prapanovy Donalda Trampa ŭ hetym płanie ja absalutna aceńvaju narmalna. Ale pavinny być uličanyja i našy intaresy. I ŭsio pavinna być ščyra, jak kaliści my z amierykancami damovilisia», — skazaŭ Łukašenka.
Daradca Cichanoŭskaj Franak Viačorka prakamientavaŭ «Našaj Nivie» hetuju zajavu:
«Pakul nijakaj kankretyki vakoł hetaj ździełki niama. Nieŭzabavie mo pačujem detali. My razumiejem, što Łukašenku cisnuć sankcyi, što ekanamičnaja situacyja ŭ ich z Pucinym napružanaja. Heta ŭsio prymušaje šukać vychad ź situacyi».
Jon dadaje, što vychad dla režymu jość, ale naŭrad ci Łukašenka zachoča iści na hetyja kroki.
«Pieršy krok — vyzvalić ludziej, spynić represii. Heta moža zrabić režym choć siońnia. Druhi krok — pačać dyjałoh z hramadstvam. Treci krok — pierastać słužyć rasijskim intaresam, uciahvać krainu ŭ vajnu i zdavać našu niezaležnaść Rasii. Heta tyja kroki — jakija mahli b stać častkaj vialikaj ździełki. Ale razumieju, što režym u Miensku bačyć heta pa-inšamu — maŭlaŭ, davajcie pierahorniem staronku, zrobim vyhlad što ničoha nie adbyłosia, i ja znoŭ prezident. Nie, tak užo nie budzie».
Ciapier čytajuć
Toj samy masažyst raskazaŭ, navošta zdymaŭ hołych klijentak2
Kamientary
Tak, čto, spadar Viačorka, čitajtie Našu Nivu, tut vam obo vsiech sdiełkach soobŝat.
Siejčas vypustiat očieriednuju partiju zaklučiennych, vklučaja Koleśnikovu i Babariko, Tichanovskaja na śledujuŝij dień s Franakom budut kričať, kak oni davili na Trampa, a Kučinskij vstrietił jeho voźle lifta.