U Cierciela prahučaŭ novy akcent: «razradka ŭ cełym toj napružanaści» ŭ adnosinach z Polščaj i Bałtyjaj

Ivan Cierciel paśla narady ŭ Łukašenki, dzie abmiarkoŭvalisia abstanoŭka ŭ śviecie i adnosiny z ZŠA, vykazaŭsia pra adnosiny z krainami Zachodniaj Jeŭropy.

«Viadoma ž, adnosiny z našymi susiedziami (abmiarkoŭvalisia). Heta Polšča tradycyjna, heta Prybałtyka. Napeŭna, nie budzie vialikaj tajamnicaj skazać, što ŭ nas jość kanały znosin z našymi partniorami. Hety dyjałoh viadziecca. I ŭ tym liku pa linii śpiecsłužbaŭ.

Ja b skazaŭ, što parazumieńnie pamiž nami pavoli naładžvajecca. My abmiarkoŭvajem vostryja pytańni i niedzie vychodzim na razumieńnie ŭzajemnych intaresaŭ», — zajaviŭ kiraŭnik KDB.

«Naš uzajemny intares — heta stabilnaja situacyja ŭ rehijonie, pracujučaja ekanomika, zaniataść ludziej. Heta spakojnaje žyćcio našych hramadzian ź pierśpiektyvaj na budučyniu, adsutnaść kanfliktnych situacyj, razradka ŭ cełym toj napružanaści, jakaja jość i pra jakuju my ŭsie praktyčna čujem», — skazaŭ Ivan Cierciel.

Jon ličyć, što jość usie šancy na toje, kab dasiahnuć praryvu ŭ adnosinach.

«My majem usie šancy na toje, kab dasiahnuć praryvu ŭ cełym u adnosinach z ZŠA. Dla Zachodniaj Jeŭropy my adkryty dla hetaha. Dumaju, u bližejšy čas my pačujem dobryja naviny na hetym napramku», — skazaŭ jon.

«Pierakanany, što ŭ kančatkovym vyniku heta pasłužyć vielmi važnym krokam u vyrašeńni hetaha kanfliktu», — skazaŭ Ivan Cierciel.

Ivan Cierciel taksama padkreśliŭ, što Biełaruś nastrojena na dyjałoh, pošuk uzajemaprymalnych rašeńniaŭ z ulikam nacyjanalnych intaresaŭ: «My vypracavali svaje prapanovy, svaju pierahavornuju pazicyju. Pa šerahu pytańniaŭ my z amierykanskim bokam užo pryjšli da kansensusu. Ale nieabchodna razumieć našym partnioram, što jość nacyjanalnyja intaresy, jakija my zaŭsiody budziem uličvać i realizoŭvać hetak ža, jak i amierykancy, — praktyčny, racyjanalny padychod da pierahavornaha pracesu, u tym liku z ulikam vyklučna našych nacyjanalnych intaresaŭ».

Jon raskazaŭ, što i Łukašenka ŭ hety paradak dnia vielmi hłyboka pahružany, amal kožny dzień im zajmajecca. «Važna taksama, što jość adpaviednaje razumieńnie i ŭ prezidenta ZŠA Donalda Trampa, jaki vielmi šmat robić dla ŭrehulavańnia na Blizkim Uschodzie, pahružany i ŭ paradak dnia pa Ukrainie.

Siońnia Łukašenka na naradzie zajaviŭ, što aficyjny Minsk hatovy na vialikuju ździełku z ZŠA.

«Budziem čakać ich [amierykancaŭ] prapanovy hłabalnyja, vialikaj ździełki, jak jany ŭmiejuć kazać (lubiać jany hetyja vialikija ździełki). My da hetaha hatovyja. My hatovyja ź imi zaklučyć vialikuju ździełku. Na adnoj šali ich pytańni, prośby i patrabavańni, na druhoj šali — našy pytańni i patrabavańni. Rašajem? Davajcie budziem vyrašać. My da hetaha hatovyja.

Prapanovy Donalda Trampa ŭ hetym płanie ja absalutna aceńvaju narmalna. Ale pavinny być uličanyja i našy intaresy. I ŭsio pavinna być ščyra, jak kaliści my z amierykancami damovilisia», — skazaŭ Łukašenka.

• 0
• 0
• 4
• 8
• 0
• 0
• 6
• 0