Cana na zołata pieraadoleła adznaku $4300. Z pačatku hoda rost na 65%
U noč na 17 kastryčnika zołata ŭstanaviła novy histaryčny rekord, pieravysiŭšy $4300 za trojskuju uncyju. Na 9:30 piatnicy jano i zusim było $4358.
U paniadziełak, 13 kastryčnika, fjučarsy na zołata ŭpieršyniu ŭ historyi pieraadoleli adznaku ŭ $4100 za uncyju, a ŭžo ŭ sieradu ŭziali płanku ŭ $4200. Siońnia ŭžo 4300.
Analityki adznačajuć, što mietał demanstruje najlepšy štotydniovy rost za apošnija piać hadoŭ. Za tydzień jon dadaŭ kala 8%, a z pačatku hoda rost skłaŭ 65 pracentaŭ.
Ceny na zołata adnavili rost paśla taho, jak prezident ZŠA Donald Tramp anansavaŭ uviadzieńnie 100‑pracentnych pošlin na ekspart z Kitaja. Inviestary bajacca, što handlovaja vajna pamiž ZŠA i Kitajem adnavicca. Tradycyjna zołata razhladajecca inviestarami jak srodak zachavańnia kapitału ŭ pieryjady niestabilnaści.
*Trojskaja uncyja — adzinka vymiareńnia masy, jakaja roŭnaja 31,1034768 hrama. Nazvana ad francuzskaha horada Trua, jaki ŭ Siaredniavieččy byŭ važnym centram mižnarodnaha handlu. Uncyja ŭ charčovych praduktach składaje 29,5 hrama.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary