Jak vyhladaje most pamiž vulicaj Maskoŭskaj i płoščaj Niezaležnaści, jaki adkryli siońnia
Ruch pa puciepravodzie pamiž praśpiektam Niezaležnaści i vulicaj Maskoŭskaj adkryli 1 listapada a 2:00. Što źmianiłasia, pišuć Minsk-naviny.
Ramont puciepravoda pačali 8 lutaha 2025‑ha i zaviaršyli daterminova, choć pieršapačatkova płanavali skončyć da kanca hoda.
Pa słovach namieśnika staršyni Minabłvykankama Aleha Korzuna, padčas praviadzieńnia rabot asablivuju ŭvahu nadavali minimizacyi niazručnaściaŭ dla žycharoŭ stalicy. Jak raskazaŭ dyrektar «Hardarbuda» Siarhiej Panioŭ, ramontavali puciepravod z vykarystańniem mietadu nadsoŭvańnia mietaličnaj pralotnaj kanstrukcyi.
— Usio sabrali na prylehłaj terytoryi, nadsunuli sučasnymi mietadami pa ślizhajučych aporach, apuścili z vyšyni amal 4,5 mietra na rabočuju adznaku. Heta nie novyja technałohii, ale ŭ stalicy jany ŭžyvajucca ŭpieršyniu, — patłumačyŭ dyrektar «Hardarbuda».
Kab ukłaścisia ŭ terminy, daviałosia arhanizavać pracu ŭ kruhłasutačnym režymie i apieratyŭna vyrašać spadarožnyja pytańni. Akramia taho, byli zadziejničany ŭsie kamunalnyja pradpryjemstvy horada. U vyniku — zapłanavanaje ŭdałosia vykanać za dzieviać miesiacaŭ.
Jak adznačaŭ S. Panioŭ, puciepravod byŭ vyprabavany: adnačasova pa im ruchalisia dzieviać zahružanych «MAZaŭ» (pad 30 t). Vynik — zbudavańnie vytrymała nahruzku, jość peŭny zapas tryvałaści.
Schiema ruchu nijak nie źmianiłasia: dziejničajuć čatyry pałasy (pa dźvie ŭ kožnym napramku). Darečy, u napramku «Minsk-Śvieta» jość dva darožnyja znaki: adzin papiaredžvaje ab mahčymaści avaryi, druhi paviedamlaje, što dapuščalnaja chutkaść ruchu nie bolš za 50 km/hadzinu. Z dvuch bakoŭ arhanizavany zony dla piešachodaŭ. Na tratuarnuju plitku zamieniena pakryćcio piešachodnych suviaziaŭ, abnoŭlena ŭsia infrastruktura. Vonkavaje aśviatleńnie i iluminacyju zrabili śviatłodyjodnymi — u ciomny čas sutak možna budzie palubavacca pryhožaj padśvietkaj.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary