Zamiežnaja firma atrymała ad biełaruskich pradpryjemstvaŭ 825 tysiač jeŭra, ale zakazu vykonvać nie źbirałasia
Hienieralnaja prakuratura Biełarusi paviedamiła pra kryminalnuju spravu ab machlarstvie ŭ asabliva bujnym pamiery, jakaja rasśledujecca ŭ dačynieńni zamiežnaj kampanii, što atrymała hrošy ad biełaruskich pradpryjemstvaŭ, ale nie źbirałasia vykonvać uziatyja na siabie abaviazki.
Jak vyśvietliłasia, lizinhavaja kampanija i niekalki lesahaspadarčych pradpryjemstvaŭ Bresckaj vobłaści ŭ 2021 hodzie padpisali damovy na pastaŭku lesapilnych linij ahulnym koštam kala 2,6 miljona biełaruskich rubloŭ. Dla hetaha biełaruski bok pieraličyŭ zamiežnaj firmie bolš za 825 tysiač jeŭra.
Adnak paśla atrymańnia srodkaŭ pastaŭki tak i nie adbylisia. Zamiežnaje pradpryjemstva zajaviła pra bankructva i sprabavała spasłacca na sankcyi Jeŭrapiejskaha sajuza, nibyta jany pieraškodzili vykanańniu damovaŭ.
Pravierka, adnak, pakazała, što kiraŭnik i ŭłaśnik firmy z samaha pačatku nie mieŭ namieru pastaŭlać abstalavańnie. Kampanija była zarehistravanaja tolki ŭ 2020 hodzie, nie mieła ni rabotnikaŭ, ni realnaj vytvorčaści, ni padatkovych vypłat. Na jaje sajcie byli raźmieščanyja falšyvyja źviestki pra dziejnaść.
U Hienprakuratury adznačyli, što spasyłki na fors-mažor i sankcyi nie mohuć apraŭdać adnabakovuju admovu ad vykanańnia damovaŭ i razhladajucca jak sposab niezakonnaha avałodańnia čužymi srodkami.
Ciapier pavodle spravy pravodzicca papiaredniaje rasśledavańnie, a śledčyja praviarajuć kiraŭnictva pradpryjemstva, jakoje mahło być datyčnym da hetaj machlarskaj schiemy.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary