Z-za mieteazondaŭ ź Biełarusi samalot ministra zamiežnych spraŭ Litvy i jeŭrakamisara nie adrazu zmoh pryziamlicca ŭ Vilni
Zakryćcio na peŭny čas z-za mieteazondaŭ ź Biełarusi aeraporta ŭ Vilni viečaram u čaćvier pryviało da prablem ź viartańniem z Brusiela samalota, na borcie jakoha znachodzilisia ministr zamiežnych spraŭ Litvy Kiastucis Budrys i jeŭrakamisar Andrius Kubilus.
«Jeŭrakamisar Kubilus i ja hetym viečaram viartalisia z Brusiela, pavinny byli viarnucca ŭ Vilniu, ale ŭ nas byli prablemy z-za mieteazondaŭ kantrabandystaŭ, jakija ŭjaŭlali pahrozu dla hramadzianskaj avijacyi. Biełaruś praciahvaje svaje hibrydnyja ataki suprać Litvy i ES, što jašče bolš abvastraje situacyju.
ES pavinien dać vyrazny sihnał režymu Łukašenki: hibrydnyja ataki suprać dziaržaŭ — členaŭ ES niedapuščalnyja i paciahnuć za saboj pramy i balučy adkaz — bolš strohija sankcyi. Čym chutčej jany buduć uviedzienyja, tym lepš», — napisaŭ Budrys u sacsietcy Ch.
Samalot niejki čas kružyŭ nad Koŭnam i tolki tady, kali vilenski aeraport byŭ adkryty, sieŭ u stalicy Litvy.
Nahadajem, što litoŭskaja miaža była zakrytaja z 27 kastryčnika pa 19 listapada z-za mieteazondaŭ ź Biełarusi, što nieadnarazova pryvodziła da paralizavańnia pracy aeraporta ŭ Vilni. U noč na 20 listapada pierachody «Miedniki» i «Salečniki» byli adkrytyja, i ŭ pieršy ž viečar paśla taho adbyłosia zakryćcio aeraporta.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary
Nu a kali raptam u nas vyrašać, što kantrabanda heta kryminał i pačnuć taksama z tym zmahacca, to situacyja stanie sapraŭdy lepšaj, ale kali toje staniecca tolki rak na hary viedaje.
Darečy toje samaje i ź mihrantami budzie. Praź nie daleki čas adnoviacca i sproby pierachodu miažy