Uładzimir Pucin i Viktar Orban praviali pieramovy ŭ Maskvie.
Premjer Vienhryi adznačyŭ, što jon sustrakajecca ŭžo 14‑y raz z Pucinym, znachodziačysia na pasadzie premjer-ministra.
«Ukraina — heta susied Vienhryi, tamu Vienhryja ŭ poŭnaj miery adčuvaje ŭpłyŭ ukrainskaha kanfliktu na sabie. U tym liku, my niasiem adčuvalnyja ekanamičnyja straty», — skazaŭ Orban.
«Vienhryja zacikaŭlenaja ŭ miry, i my ščyra spadziajemsia, što niadaŭna apublikavanyja mirnyja inicyjatyvy ŭrešcie pryviaduć da vyniku», — dadaŭ jon.
Vienhryja hatovaja zabiaśpiečyć placoŭku dla mirnych pierahavoraŭ i hatovaja sadziejničać paśpiachovamu zaviaršeńniu hetaha pracesu, skazaŭ Orban.
Pucin u adkaz padziakavaŭ vienhierskamu premjer-ministru i adznačyŭ, što ideja pravieści pieramovy ŭ Budapiešcie naležała prezidentu ZŠA Donaldu Trampu.
Razam z Orbanam u Maskvu pryjechaŭ kiraŭnik MZS Vienhryi Pieter Sijarta.
U sustrečy taksama ŭdzielničajuć ministr zamiežnych spraŭ Rasii Siarhiej Łaŭroŭ, pamočnik prezidenta Rasii Juryj Ušakoŭ i vice-premjer Alaksandr Novak.
Pierad sustrečaj z Pucinym Orban napisaŭ u sacsietcy X, što hałoŭnaja meta jaho vizitu — harantavać enierhietyčnuju biaśpieku Vienhryi.
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary
On abidicca