U pačatku listapada brend «Buślik» abviaściŭ ab stvareńni siamiejnaha partała. Kampanija zajaviła ŭ sacsietkach pra «pačatak novaj historyi z novym bačańniem». Terminy zapusku prajekta nie nazyvajucca, adnak u Instagram užo źjaviłasia bolš za dziesiać dopisaŭ na dziciača-baćkoŭskija temy, a niadaŭna zasnavalnik brenda «Buślik» Siarhiej Misiačenka padzialiŭsia płanami na budučyniu, piša Office Life.
«My chočam pasprabavać stvaryć infarmacyjny partał, na jakim možna budzie znajści šmat infarmacyi pra maciarynstva i dziacinstva, pra vychavańnie i raźvićcio dziaciej», — kaža Siarhiej Misiačenka. Jon pryznajecca, što historyja «Buślika», jakoj užo 20 hadoŭ, «nie adpuskaje, i jaje nie chočacca zakančvać».
Ciapier kamanda brenda zaprašaje da supracoŭnictva aktyŭnych ekśpiertaŭ z samych roznych śfier — psichałohii, achovy zdaroŭja, adukacyi i inš. Raskazać pra svaje pradukty ŭ halinie maciarynstva i dziacinstva mohuć taksama i vytvorcy — u pieršuju čarhu biełaruskija.
«Luby brend, luby ekśpiert, lubaja mama mohuć napisać nam u Instagram i prapanavać svaju karysnuju infarmacyju», — padsumoŭvaje Siarhiej Misiačenka.
Ci budzie adnaŭleńnie mahazinaŭ?
Razmovy pra pierazapusk sietki fizičnych mahazinaŭ nie idzie. Na dumku Siarhieja Misiačenki, «siońnia ŭ handli vielmi vysokaja kankurencyja, mnohija dziciačyja tavary kuplajuć anłajn, markietpłejsy dastaŭlajuć dziciačyja tavary na dom».
Pry hetym u budučyni zapusk internet-mahazina na bazie partała «moža być bolš realistyčnym».
«Taksama my dumajem pra toje, kab vybirać na rynku krainy jakasnyja pradukty ŭ halinie maciarynstva i dziacinstva i pad brendam «Buślik» ekspartavać ich za miežy krainy», — padzialiŭsia jašče adnym mahčymym napramkam pracy ŭ budučyni Siarhiej Misiačenka.
Sietka «Buślik» spyniła svaju pracu ŭ kancy lutaha 2024 hoda, paźniej kampanija «DPM» — uładalnik sietki mahazinaŭ — pajšła ŭ bankructva. Sioleta ŭ kancy vieraśnia vystaŭlenyja na tarhi tavarnyja znaki biełaruskaj sietki kupiła kampanija Lemon Invest. Zasnavalnikam i kiraŭnikom novaha ŭładalnika tavarnych znakaŭ źjaŭlajecca pradprymalnik Siarhiej Misiačenka.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary