Pamočnik prezidenta Rasii paviedamiŭ, što na terytoryi Danbasa pa vynikach pieramovaŭ ab miry moža nie zastacca ni rasijskich, ni ŭkrainskich vojskaŭ. Paradak, pavodle zadumy Kramla, buduć zabiaśpiečvać Rashvardyja i rasijskaja palicyja. Takoje zajavu jon zrabiŭ u razmovie z «Kommiersantom».
Ušakoŭ padkreśliŭ, što terytoryja Danbasa «raniej ci paźniej» piarojdzie pad poŭny kantrol Rasii — «kali nie pieramoŭnym šlacham, dyk vajennym». Pavodle jaho słoŭ, ad hetaha «budzie zaležać i ŭsio astatniaje».
«To bok spynieńnie ahniu moža nastupić tolki paśla vyvadu ŭkrainskich vojskaŭ. A što tam budzie potym — pra heta možna, na maju dumku, vieści razmovu. Bo całkam mahčyma, što tam nie budzie niepasredna vojskaŭ, ni rasijskich, ni ŭkrainskich. Tak, ale budzie Rashvardyja, budzie naša palicyja, budzie ŭsio nieabchodnaje dla zachavańnia paradku i arhanizacyi žyćcia», — skazaŭ jon.
Pavodle słoŭ Ušakova, suprać vyvadu ŭkrainskich vojskaŭ z Danbasa vystupaŭ Uładzimir Zialenski, i heta było «adnym z patrabavańniaŭ, jakija amierykancy jamu pradjaŭlajuć». «U lubym vypadku, jakim by ni byŭ raskład, heta terytoryja źjaŭlajecca terytoryjaj Rasijskaj Fiederacyi, i jana budzie pad kiravańniem našych administracyj, tak što raniej ci paźniej», — dadaŭ jon.
Svaju zajavu Ušakoŭ zrabiŭ paśla taho, jak Uładzimir Zialenski paviedamiŭ, što ŭ miežach pieramovaŭ ab mirnym płanie ZŠA abmiarkoŭvajecca varyjant sa «svabodnaj ekanamičnaj zonaj»: «Amierykancy nazyvajuć heta tak, a ruskija — «demilitaryzavanaj zonaj»».
Pavodle słoŭ Zialenskaha, ZŠA chočuć, kab ukrainskija vajskoŭcy pakinuli padkantrolnuju im terytoryju Danbasa, ale prapanujuć, što Rasija nie budzie prasoŭvacca na hetuju terytoryju. Pa słovach samoha Zialenskaha, u takim vypadku spraviadliva spytać, čamu, kali adzin bok adstupaje, to druhi nie adstupaje na anałahičnuju adlehłaść.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary