U Pieciarburhu 15‑hadovy školnik napaŭ z nažom na nastaŭnicu — jany abodva špitalizavanyja
U adnu sa škoł Pieciarburha vučań dziaviataha kłasa pryjšoŭ z nažom i paraniŭ 29‑hadovuju nastaŭnicu. Pavodle papiarednich danych MUS, pryčynaj incydentu stała drennaja adznaka za kantrolnuju pa matematycy.
U škole №191 Sankt-Pieciarburha siońnia ranicaj adbyłosia napadzieńnie: 15‑hadovy vučań 9‑ha kłasa nakinuŭsia z nažom na svaju nastaŭnicu matematyki, paśla čaho paraniŭ siabie.
Paciarpiełaja — 29‑hadovaja nastaŭnica matematyki Maryja Andrejeva.
Pa danych «Bazy», napad adbyŭsia a siomaj ranicy, kali školnik pryjšoŭ da vykładčycy, kab pierapisać kantrolnuju pracu. Jak tolki nastaŭnica adviarnułasia, jon dastaŭ nož i nanios joj udary ŭ śpinu. Stan paciarpiełaj i samoha padletka, jaki potym nanios sabie ranieńni i byŭ špitalizavany, nie ŭdakładniajecca.
Maci napadnika, piša «Baza», taksama pracuje nastaŭnicaj historyi ŭ hetaj ža škole. Jana zapisała syna na fakultatyŭ da Andrejevaj, kab jon vypraviŭ drennyja acenki pierad ekzamienami.
Pa słovach vidavočcaŭ, školniku ŭdałosia pranieści nož, bo achova nie dahladaje vučniaŭ, navat kali spracoŭvajuć mietaładetektary.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary