Minadukacyi skarektavała praviły CE i repietycyjnaha ekzamienu
Ministerstva adukacyi Biełarusi skarektavała paradak praviadzieńnia centralizavanaha ekzamiena i repietycyjnaha centralizavanaha ekzamiena, paviedamili ŭ Respublikanskim instytucie kantrolu viedaŭ.
Dakumient, jaki rehłamientuje praviadzieńnie ekzamienaŭ, byŭ abnoŭleny napiaredadni druhoha etapu repietycyjnaha teściravańnia i repietycyjnaha CE. Hałoŭnym novaŭviadzieńniem stała vykarystańnie identyfikacyjnaha numara zamiest sieryi i numara pašparta.
Ciapier hety numar budzie asnoŭnym identyfikataram udzielnika pry ŭniasieńni piersanalnych danych u infarmacyjnyja sistemy, ich aktualizacyi, zachavańni i vykarystańni. Jon składajecca ź ličbaŭ ad 0 da 9 i łacinskich litar.
Udzielnikam CE i RCE zabaraniajecca mieć pry sabie lubyja zapisy z utrymańniem testavych zadańniaŭ, a taksama vynosić ich z aŭdytoryj abo punktaŭ praviadzieńnia ekzamienaŭ.
Akramia taho, udakładnieny praviły vykarystańnia kalkulataraŭ na ekzamienach.
Na CT i CE (RCE) pa chimii i fizicy dazvalajecca vykarystańnie prostaha adnaradkovaha kalkulatara, jaki vykonvaje nastupnyja funkcyi:
- składańnie, adnimańnie, množańnie i dzialeńnie;
- zdabyvańnie kvadratnaha korania;
- apieracyi z pracentami i źmiena znaka;
- vyličeńnie advarotnaj vieličyni.
- Usie hetyja dziejańni pavinny vykonvacca z adnoj jačejkaj pamiaci.
Vydaču kankretnych pryład buduć kantralavać členy arhanizacyjnaj kamisii ŭ kožnym punkcie praviadzieńnia ekzamienaŭ. Pry nieabchodnaści zabiaśpiečvajecca najaŭnaść dadatkovych kalkulataraŭ dla zamieny.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary