Ułaśnik zachoplenaha rasijskaha tankiera ŭ Atłantycy — biznesmien z Kryma
Naftavy tankier Marinera (raniejšaja nazva — Bella 1), zachopleny Jeŭrapiejskim kamandavańniem Uzbrojenych sił ZŠA, naležyć rasijskaj kampanii «Bureviestmaryn». Jaje dyrektar i adziny ŭładalnik — pradprymalnik z anieksavanaha Kryma Illa Buhaj.
Pra heta śviedčać danyja Hłabalnaj intehravanaj sistemy sudnachodnaj infarmacyi Mižnarodnaj marskoj arhanizacyi (IMO) i JEHRIUŁ, ź jakimi aznajomiłasia «Novaja hazieta Jevropa».
Kampanija była zarehistravanaja ŭ Razani ŭsiaho paŭhoda tamu. Adnak, vidać, jana sapraŭdy viała dziejnaść u śfiery marskich pieravozak: na sajtach pošuku pracy možna znajści niekalki vakansij kampanii, apublikavanych u 2025 hodzie, źviazanych z sudnachodstvam.
Z 2018 hoda Buhaj taksama zajmaje pasadu hienieralnaha dyrektara kampanii «Rusnaftachimhandal», jakaja śpiecyjalizujecca na handli naftapraduktami. U 2020 hodzie kampanija atrymała vyručku 4 młrd rasijskich rubloŭ (kala 50 młn dalaraŭ), adnak paźniej dachody rezka skaracilisia, i ŭ 2024 hodzie (apošnija dastupnyja danyja) kampanija zafiksavała straty.
Pavodle infarmacyi ź jaho sacyjalnych sietak, u 2008 hodzie Buhaj skončyŭ Krymski fiederalny ŭniviersitet, a ciapier žyvie ŭ Maskvie.
Zachop Marinera
7 studzienia Jeŭrapiejskaje kamandavańnie Uzbrojenych sił ZŠA abviaściła pra zachop naftavaha tankiera na poŭnačy Atłantyčnaha akijana, niedaloka ad uźbiarežža Isłandyi. Pahonia za sudnam pačałasia jašče ŭ śniežni 2025 hoda, kali tankier sprabavaŭ nablizicca da bierahoŭ Vieniesueły. Tady sudna išło pad ściaham Hajany (u bazie IMO jon paznačany jak «falšyvy») i mieła nazvu Bella 1.
Praź niekalki dzion, užo padčas pahoni, sudna źmianiła ściah na rasijski, a nazvu — na Marinera. Pavodle danych Reuters, u momant zachopu tankier supravadžała rasijskaja vajennaja padvodnaja łodka.
Rasija sprabavała abaranić Marinera i pa dypłamatyčnych kanałach, adnak biezvynikova.
U Biełym domie zajavili, što Marinera ŭvachodzić u «cieniavy fłot» Vieniesueły i zajmajecca transpartavańniem nafty ŭ abychod amierykanskich sankcyj. Sudna było aryštavanaje na padstavie ordera, vydadzienaha amierykanskim sudom. Ekipaž Marinera, pavodle słoŭ pres-sakratarki Biełaha doma Kerałajn Levit, «pry nieabchodnaści» dastaviać u ZŠA dla praviadzieńnia sudovaha pracesu.
Amierykanskija desantniki vysadzilisia na tankier Marinera, jaki padčas pahoni źmianiŭ ściah na rasijski
ZŠA zachapili jašče adzin tankier cieniavoha fłotu. Heta ŭžo druhoje zatrymanaje sudna za apošniuju hadzinu
Bieły dom pahražaje sudzić u ZŠA ekipaž zachoplenaha tankiera. Maskva paćvierdziła, što na borcie rasijanie
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram4
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary