Biełaruska paviesiła karmušku dla ptušak za aknom. Hladzicie, chto da jaje prylacieŭ
Heta nievierahodna pryhožaja zima padaryła nam nie tolki maroznyja nočy, soniečnyja dni i paŭnočnaje źziańnie, ale i sustreču z niezvyčajnymi ptuškami.
Uličvajučy ekstremalna minusavuju tempieraturu, mnohija minčanie stali padkormlivać ptušak, jakija zastalisia zimavać u stalicy. Fotakarespandent Realt.by paviesiła karmušku prosta kala doma. Voś jakija pryhožyja ptušački ciapier prylatajuć da jaje na fotasiesiju ŭ pryharadzie Minska.
— Karmuška na maim aknie źjaviłasia ŭ minułym hodzie. Ja žyvu ŭ domie za horadam. Tamu viešać karmuški ŭ dvary i padkormlivać ptušak stała štohadovaj tradycyjaj. Ale mienavita hetaja kropka akazałasia samaj zručnaj dla ahladu i fatahrafij. Ptuški prylatajuć, ahladajucca, biaruć ziarniatki i adlatajuć nazad na dreva. Sasna kala akna — samy ŭdały i malaŭničy fon dla zdymkaŭ, tam i atrymlivajucca samyja lepšyja kadry, — kaža Darja.
Ptušak dziaŭčyna vyznačaje praź śpiecyjalny dadatak, jaki pa fota ci huku padkazvaje, što heta za vid.
Da prykładu, heta — čubataja sinica.
— Ab isnavańni niekatorych ptušynych ja raniej navat i nie zdahadvałasia. Naohuł, nazirańnie za ptuškami — dastatkova miedytatyŭny i zajmalny zaniatak. Asabliva kali źjaŭlajucca niezvyčajnyja ptuški!
Pierad vami — zvyčajnaja zielanuška.
Racyjon dla ptušak dziaŭčyna farmiruje, zychodziačy z rekamiendacyj. U internecie možna znajści karysnyja pamiatki ab tym, što lepš za ŭsio dadavać u karmušku.
— Moj kłasičny skład: nasieńnie słaniečnika, nasieńnie harbuza, syryja arechi, kavałački sušanych jahad. I hałoŭnaje — napaŭniać karmušku treba sistemna i rehularna, tady ptuški pryvykajuć i viartajucca.
Hila lohka paznać.
Darja kaža, što arhanizacyja karmušak — pryjemny praces, jaki raznastaić i dadaje jarkaści ŭ zvykłaje žyćcio. U toj ža čas dla ptušak — heta važnaja dapamoha i šaniec pieražyć chałady.
Sinički dakładna skažuć vam dziakuj!
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju84
Kamientary