Беларуска павесіла кармушку для птушак за акном. Глядзіце, хто да яе прыляцеў
Гэта неверагодна прыгожая зіма падарыла нам не толькі марозныя ночы, сонечныя дні і паўночнае ззянне, але і сустрэчу з незвычайнымі птушкамі.
Улічваючы экстрэмальна мінусавую тэмпературу, многія мінчане сталі падкормліваць птушак, якія засталіся зімаваць у сталіцы. Фотакарэспандэнт Realt.by павесіла кармушку проста каля дома. Вось якія прыгожыя птушачкі цяпер прылятаюць да яе на фотасесію ў прыгарадзе Мінска.
— Кармушка на маім акне з'явілася ў мінулым годзе. Я жыву ў доме за горадам. Таму вешаць кармушкі ў двары і падкормліваць птушак стала штогадовай традыцыяй. Але менавіта гэтая кропка аказалася самай зручнай для агляду і фатаграфій. Птушкі прылятаюць, аглядаюцца, бяруць зярняткі і адлятаюць назад на дрэва. Сасна каля акна — самы ўдалы і маляўнічы фон для здымкаў, там і атрымліваюцца самыя лепшыя кадры, — кажа Дар'я.
Птушак дзяўчына вызначае праз спецыяльны дадатак, які па фота ці гуку падказвае, што гэта за від.
Да прыкладу, гэта — чубатая сініца.
— Аб існаванні некаторых птушыных я раней нават і не здагадвалася. Наогул, назіранне за птушкамі — дастаткова медытатыўны і займальны занятак. Асабліва калі з'яўляюцца незвычайныя птушкі!
Перад вамі — звычайная зелянушка.
Рацыён для птушак дзяўчына фарміруе, зыходзячы з рэкамендацый. У інтэрнэце можна знайсці карысныя памяткі аб тым, што лепш за ўсё дадаваць у кармушку.
— Мой класічны склад: насенне сланечніка, насенне гарбуза, сырыя арэхі, кавалачкі сушаных ягад. І галоўнае — напаўняць кармушку трэба сістэмна і рэгулярна, тады птушкі прывыкаюць і вяртаюцца.
Гіля лёгка пазнаць.
Дар'я кажа, што арганізацыя кармушак — прыемны працэс, які разнастаіць і дадае яркасці ў звыклае жыццё. У той жа час для птушак — гэта важная дапамога і шанец перажыць халады.
Сінічкі дакладна скажуць вам дзякуй!
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары