Pratasievič adkazaŭ, jak praca ŭ KDB dapamahaje na telebačańni
Rasijskaje dziaržaŭnaje ahienctva TASS spytała Ramana Pratasieviča pra jaho ciapierašniuju pracu na prapahandysckim STB i jak jaho vopyt pracy ŭ KDB dapamahaje na telebačańni.
Pratasievič adkazaŭ, što praca ŭ KDB — adzin z tych faktaraŭ, jakija dadatkova pryciahvajuć uvahu hledačoŭ.
«Tamu što heta aznačaje i pravierku časam, i dakładnaść infarmacyi, jakuju ja padaju», — miarkuje jon.
Pratasievič kaža, što pakul dapracoŭvaje svoj styl. «Usio ž taki ja jašče dapracoŭvaju svoj styl, styl svajoj prahramy ŭ niejkich słovach, u niejkich frazach, u niejkich vykazvańniach, [starajusia] pryvieści da niejkaha ahulnaha vyhladu. Mnie zdajecca, u mianie heta ŭ cełym atrymlivajecca», — havoryć jon.
Pratasievič nie vyklučyŭ, što z časam budzie ŭdzielničać u afłajn-mierapryjemstvach. «Mahčyma, što ja budu sprabavać rabić, choć i ŭ miežach telebačańnia, ale niejkija śpiecprajekty, jakija bolš vychodziać za miežy majoj prahramy, kali heta budzie nieabchodna. Asabliva kali heta buduć surjoznyja pytańni, jakija ŭ mianie budzie mahčymaść u tym liku dziakujučy majmu minułamu aśviatlić dadatkova», — skazaŭ jon, adznačyŭšy što takim čynam spadziajecca «spryjać pytańniam nacyjanalnaj biaśpieki».
U 2023 hodzie Raman Pratasievič, praź jakoha ŭ Minsku prymusova pasadzili samalot, jaki lacieŭ u Vilniu, byŭ asudžany da vaśmi hadoŭ kałonii za ekstremisckuju dziejnaść, ale nieŭzabavie byŭ pamiłavany. Łukašenka ŭ 2025 hodzie niečakana zajaviŭ, što Pratasievič daŭno pracavaŭ pad prykryćciom u raźviedcy.
Hiendyrektar STB raskazaŭ, jak na kanale źjaviŭsia Pratasievič, i zastupiŭsia za Azaronka: Ryhor staŭ miakčejšy
Što viadoma pra zatrymanych radyjoamataraŭ, jakim pahražaje až da rasstrełu
Ahient biełaruskaj raźviedki pryznaŭsia, što minuły hod byŭ «prosta p**dziacovym»
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
«U mianie ŭ vačach byŭ žach pamieram z Atłantyku». Hurnievič raskazaŭ, jak «raźviedčyk» Pratasievič chadziŭ na redakcyjnaje zadańnie
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks5
Kamientary