Stali viadomyja padrabiaznaści ŭviedzienych Ukrainaj piersanalnych sankcyj suprać Łukašenki

Siońnia prezident Ukrainy abviaściŭ pra ŭviadzieńnie suprać Alaksandra Łukašenki piersanalnych sankcyj. 

Adpaviedny ŭkaz apublikavany na sajcie prezidenta Ukrainy. Tam paznačany nastupnyja punkty:

1. pazbaŭleńnie dziaržaŭnych uznaharod Ukrainy, inšych form adznačeńnia;

2. błakiravańnie aktyvaŭ — časovaje pazbaŭleńnie prava karystacca i rasparadžacca aktyvami, jakija naležać fizičnaj abo jurydyčnaj asobie, a taksama aktyvami, u dačynieńni da jakich takaja asoba moža prama ci ŭskosna (praź inšych fizičnych abo jurydyčnych asob) ździajśniać dziejańni, tojesnyja pa źmieście ažyćciaŭleńniu prava rasparadžeńnia imi;

3. abmiežavańnie handlovych apieracyj (poŭnaje spynieńnie);

4. abmiežavańnie, častkovaje ci poŭnaje spynieńnie tranzitu resursaŭ, palotaŭ i pieravozak pa terytoryi Ukrainy (poŭnaje spynieńnie);

5. praduchileńnie vyvadu kapitałaŭ za miežy Ukrainy;

6. prypynieńnie vykanańnia ekanamičnych i finansavych abaviazacielstvaŭ;

7. spynieńnie dziejańnia abo prypynieńnie licenzij i inšych dazvołaŭ, atrymańnie (najaŭnaść) jakich źjaŭlajecca ŭmovaj dla ažyćciaŭleńnia peŭnaha vidu dziejnaści, u pryvatnaści, spynieńnie ci prypynieńnie dziejańnia śpiecyjalnych dazvołaŭ na karystańnie nietrami;

8. zabarona ŭdziełu ŭ pryvatyzacyi, arendzie dziaržaŭnaj majomaści rezidentami zamiežnaj dziaržavy i asobami, jakija prama ci ŭskosna kantralujucca rezidentami zamiežnaj dziaržavy abo dziejničajuć u ich intaresach;

9. zabarona ažyćciaŭleńnia publičnych i abaronnych zakupak tavaraŭ, rabot i pasłuh u jurydyčnych asob — rezidentaŭ zamiežnaj dziaržavy dziaržaŭnaj formy ŭłasnaści i jurydyčnych asob, dola statutnaha kapitału jakich znachodzicca va ŭłasnaści zamiežnaj dziaržavy, a taksama publičnych i abaronnych zakupak u inšych subjektaŭ haspadarańnia, jakija ažyćciaŭlajuć prodaž tavaraŭ, rabot, pasłuh pachodžańniem z zamiežnaj dziaržavy, da jakoj prymienieny sankcyi zhodna z hetym Zakonam;
10. zabarona abo abmiežavańnie zachadu zamiežnych nievajennych sudnaŭ i vajennych karabloŭ u terytaryjalnaje mora Ukrainy, jaje ŭnutranyja vody, porty i pavietranych sudnaŭ u pavietranuju prastoru Ukrainy abo ažyćciaŭleńnia pasadki na terytoryi Ukrainy (poŭnaja zabarona);
11. poŭnaja abo častkovaja zabarona ździajśnieńnia ździełak pa kaštoŭnych papierach, emitentami jakich źjaŭlajucca asoby, da jakich prymienieny sankcyi zhodna z hetym Zakonam (poŭnaja zabarona);
12. zabarona pavieličeńnia pamieru statutnaha kapitału haspadarčych tavarystvaŭ, pradpryjemstvaŭ, u jakich rezident zamiežnaj dziaržavy, zamiežnaja dziaržava, jurydyčnaja asoba, udzielnikam jakoj źjaŭlajecca nierezident abo zamiežnaja dziaržava, vałodaje 10 i bolš pracentami statutnaha kapitału abo maje ŭpłyŭ na kiravańnie jurydyčnaj asobaj ci jaje dziejnaść;
13. spynieńnie dziejańnia handlovych pahadnieńniaŭ, sumiesnych prajektaŭ i pramysłovych prahram u peŭnych śfierach, u pryvatnaści ŭ śfiery biaśpieki i abarony;
14. zabarona pieradačy technałohij, pravoŭ na abjekty prava intelektualnaj ułasnaści;
15. spynieńnie kulturnych abmienaŭ, navukovaha supracoŭnictva, adukacyjnych i spartyŭnych kantaktaŭ, zabaŭlalnych prahram z zamiežnymi dziaržavami i zamiežnymi jurydyčnymi asobami;
16. admova ŭ pradastaŭleńni i anulavańnie viz rezidentam zamiežnych dziaržaŭ, prymianieńnie inšych zabaron ujezdu na terytoryju Ukrainy;
17. zabarona na nabyćcio va ŭłasnaść ziamielnych učastkaŭ.

Sankcyi buduć dziejničać 10 hadoŭ. Uznaharod pazbavili pažyćciova. 

• 38
• 2
• 8
• 5
• 1
• 0
• 0
• 0