«Siońnia Ukraina vykarystała pakiet sankcyj suprać Alaksandra Łukašenki, i my značna aktyvizujem supraćdziejańnie ŭsim formam jaho sadziejničańnia zabojstvam ukraincaŭ. Budziem pracavać z partniorami tak, kab heta mieła hłabalny efiekt», — napisaŭ prezident Ukrainy Uładzimir Zialenski.
«U druhoj pałovie 2025 hoda na terytoryi Biełarusi rasijanie razharnuli sistemu retranślataraŭ dla kiravańnia ŭdarnymi dronami, što pavialičyła mahčymaści rasijskaha vojska nanosić udary pa našych paŭnočnych abłaściach — ad Kijeŭščyny da Vałyni.
Častku ŭdaraŭ, siarod inšaha pa enierhietyčnych abjektach i čyhuncy ŭ našych rehijonach, rasijanie nie zmahli b nanieści biez takoj dapamohi Biełarusi.
Bolš za try tysiačy pradpryjemstvaŭ Biełarusi pastaŭleny na słužbu rasijskaj vajnie i pastaŭlajuć techniku, abstalavańnie i kampanienty, jakija adniesieny da katehoryi krytyčna važnych.
U pryvatnaści, heta i kampanienty dla vytvorčaści rakiet, jakija teraryzujuć našy harady i vioski.
Praciahvajecca i raźvićcio infrastruktury dla raźmiaščeńnia na terytoryi Biełarusi rakiet siaredniaj dalokaści — «Arešnika», što źjaŭlajecca vidavočnaj pahrozaj nie tolki dla ŭkraincaŭ, ale i dla ŭsich jeŭrapiejcaŭ.
Alaksandr Łukašenka nie tolki daŭ terytoryju Biełarusi dla «Arešnika». Letaś pradpryjemstvy krainy pastaŭlali Rasii krytyčnyja vuzły, kampanienty i miechaničnuju bazu dla hetaj zbroi. Heta praciahvajecca i ŭ 2026-m.
Alaksandr Łukašenka ŭžo davoli daŭno abmieńvaje suvierenitet Biełarusi na praciah asabistaj ułady, dapamahaje rasiejcam abychodzić sankcyi śvietu za hetuju ahresiju, aktyŭna apraŭdvaje rasijskuju vajnu, a ciapier jašče i pavialičvaje svoj udzieł u maštabavańni i zaciahvańni vajny.
Za heta buduć asablivyja nastupstvy», — patłumačyŭ uviadzieńnie sankcyj prezident Ukrainy.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary