Tramp dadaŭ jašče 10% taryfaŭ na ŭvieś impart paśla pryznańnia raniejšych mytaŭ niezakonnymi
Padčas pres-bryfinhu ŭ Biełym domie 20 lutaha Tramp zajaviŭ, što nie admovicca ad svajoj taryfnaj palityki i padpiša ŭkaz ab uviadzieńni 10‑pracentnych hłabalnych taryfaŭ u adpaviednaści z raździełam 122 Zakona ab handli 1974 hoda — u dadatak da ŭžo najaŭnych taryfaŭ.
Raniej 20 lutaha Viarchoŭny sud ZŠA 6‑ciu hałasami suprać 3‑ch admianiŭ maštabnyja impartnyja myty, uviedzienyja Trampam na padstavie Zakona ab mižnarodnych nadzvyčajnych ekanamičnych paŭnamoctvach (IEEPA) 1977 hoda. Sud pastanaviŭ, što Kanstytucyja ZŠA vyrazna nadaje prava ŭvodzić padatki i myty Kanhresu, a nie prezidentu. Staršynia suda Džon Robierts padkreśliŭ, što stvaralniki Kanstytucyi nie nadzialali vykanaŭčuju ŭładu pravam samastojna ŭvodzić taryfy.
Tramp, adnak, zajaviŭ, što rašeńnie suda zakranaje tolki kankretnaje vykarystańnie IEEPA i što ŭ jaho zastajucca inšyja zakonnyja miechanizmy dla ŭviadzieńnia mytaŭ.
«Tamu, pačynajučy z momantu ŭstupleńnia ŭ siłu, usie taryfy pa nacyjanalnaj biaśpiecy ŭ adpaviednaści z raździełam 232 i najaŭnyja taryfy 301… zastajucca na miescy, u poŭnym abjomie i ŭ poŭnaj sile i dziejańni», — skazaŭ prezident ZŠA.
Taksama jahonaja administracyja płanuje inicyjavać novyja rasśledavańni ŭ miežach raździeła 301 dla baraćby z «niesumlennymi handlovymi praktykami».
Siarod alternatyŭnych instrumientaŭ, dastupnych prezidentu ZŠA, klučavymi ličacca raździeły 301 i 122 Zakona ab handli 1974 hoda. Raździeł 301 dazvalaje ŭvodzić miery ŭ adkaz paśla rasśledavańnia handlovych parušeńniaŭ z boku inšych krain, ale pracedura moža zaniać da hoda, što abmiažoŭvaje chutkaść dziejańniaŭ. Raździeł 122 daje mahčymaść chutka ŭvieści časovyja impartnyja nadbaŭki da 15% abo kvoty, ale nie bolš jak na 150 dzion biez uchvaleńnia Kanhresa.
Ministr finansaŭ ZŠA Skot Biesient užo pryznaŭ, što hetyja alternatyŭnyja miechanizmy mienš mahutnyja i efiektyŭnyja, čym vykarystańnie nadzvyčajnych paŭnamoctvaŭ pa IEEPA.
Pavodle apytańniaŭ, taryfnaja palityka nie karystajecca šyrokaj padtrymkaj vybarščykaŭ ZŠA, jakija bolš zakłapočanyja rostam cen i dastupnaściu tavaraŭ. Adnak Tramp nieadnarazova zajaŭlaŭ, što hetaje pytańnie maje pryncypovaje značeńnie dla jaho ekanamičnaj prahramy.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary
V śvietie prizyvov Doni, vziať pod połnyj kontrol Riespublikanskoj Partii SŠA priedstojaŝije dovybory, v PP i Sienat SŠA, v nojabrie 2026 hoda i vybory Priezidienta SŠA v 2028 hodu, to Vierchovnyj Sud SŠA stanovitsia osnovnoj priehradoj dla etich cielej. Dažie nie smotria na to, čto bolšinstvo sudiej Vierchovnoho Suda SŠA - naznačiency Doni.
Ono i poniatno, u Doni, pieried jeho hłazami, kardinalnyje riešienija po razhonu Sudov i Parłamientov, s pośledujuŝim vziatijem pod kontrol vsiech "vyborov" i "riefieriendumov", v Rośsii i RB, jeho łučšim druhom vładimirom pitierskim i hospodinom priezidientom łukašienko...