U horadzie Čyanhmaj na poŭnačy Tajłanda ŭłady pravodziać rasśledavańnie paśla masavaj hibieli tyhraŭ u papularnym turystyčnym parku Tiger Kingdom Chiang Mai, paviedamlaje Bi-bi-si.
Za mienš čym dva tydni ŭ dvuch padraździaleńniach parku zahinuli 72 tyhry. Usiaho tam utrymlivałasia bolš za 240 žyvioł.
Papiarednija daśledavańni pakazali najaŭnaść u zahinułych žyvioł virusa sabačaj čumy, na jakuju zvyčajna chvarejuć sabaki, ale mohuć zaražacca i bujnyja kacinyja. Taksama ŭ probach znajšli bakteryju, źviazanuju z reśpiratornymi zachvorvańniami. Raniej razhladałasia viersija pra zaražeńnie tyhraŭ kacinym parvavirusam.
Sa słoŭ pradstaŭnikoŭ vieterynarnych słužbaŭ, kali stała zrazumieła, što žyvioły chvarejuć, situacyja ŭžo była krytyčnaj. Uzory ŭziali nie tolki ŭ tyhraŭ, ale i ź ježy — u tym liku syroha kurynaha miasa — i z navakolnaha asiarodździa. Mienavita zaražanaje miasa pieršapačatkova nazyvałasia adnoj z mahčymych pryčyn uspyški chvaroby.
Ułady paviedamili, što raspaŭsiudžvańnie virusa spynienaje, novych vypadkaŭ hibieli niama, ludzi nie paciarpieli. Ciažka chvorych žyvioł rekamiendavali ŭsypić, a pareštki ŭsich zahinułych pachavali. Supracoŭnikaŭ, jakija kantaktavali z tyhrami, uziali pad nazirańnie na 21 dzień.
Zoaabarončyja arhanizacyi zajavili, što trahiedyja śviedčyć pra ŭraźlivaść ustanoŭ, dzie dzikija žyvioły ŭtrymlivajucca dla zabaŭ turystaŭ. Park časova zakryty na dva tydni dla praviadzieńnia dezynfiekcyi.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačnuła ŭ Hielendžyku i dzielicca emocyjami3
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačnuła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary