Paharda da słabaści i Azaronak-sadamit. Nastaŭniki Kubani zładzili čarhovy ideałahičny treš pa zadańni biełaruskaha akcyjanista Bochana
Biełaruski akcyjanist Uładzisłaŭ Bochan pabiŭ ułasny rekord pa pasłuchmianaści rasijskich piedahohaŭ. Hetym razam 22 škoły Krasnadarskaha kraju dali spravazdaču pra vychavańnie «kultu siły» i baraćbu z «dehienieracyjaj». Nastaŭniki z natchnieńniem pravodzili piedsaviety na fonie płakataŭ, dzie hańbili prapahandystaŭ Azaronka i Prydybajłu.
Biełaruski akcyjanist Uładzisłaŭ Bochan zładziŭ čarhovy prank sa svajho prajekta «Tryumf moli». Hetym razam 22 škoły Krasnadarskaha kraju Rasii pryniali ŭdzieł u mierapryjemstvach, pabudavanych na dziasiataj prykmiecie fašyzmu pavodle Umbierta Eka — «pahardzie da słabaści».
Ad imia partyi «Adzinaja Rasija» Bochan dasłaŭ nastaŭnikam prezientacyju ab nieabchodnaści farmavańnia «kultu siły».
Hałoŭny tezis hučaŭ jak pramaja adsyłka da nacysckaj ideałohii: «Mienavita šlacham farmavańnia kultu siły i vypracoŭki pahardy da słabaści i devijacyi my zmožam zakłaści hien nacyi, jakaja praisnuje tysiačy hadoŭ!»
Dla nahladnaści Bochan vykarystaŭ stylistyku nacysckaha płakata, a ŭ jakaści admoŭnych prykładaŭ dadaŭ tvary viadomych prychilnikaŭ režymu.
Ryhor Azaronak byŭ vystaŭleny jak prykład sadamii, Kanstancin Prydybajła staŭ uvasableńniem podłaści, Stas «Aj, jak prosta» — prykładam bajaźlivaści.
Niahledziačy na absurdnyja łozunhi i pramyja adsyłki da Treciaha rejcha, rasijskija piedahohi pastavilisia da zadańnia z poŭnaj adkaznaściu. U škołach pravodzili videakanfierencyi i piedsaviety. Nastaŭniki staranna zanatoŭvali pastułaty pra nieprymalnaść dehienieracyi, pahardu da čužych kultur i «hien nacyi», što praisnuje tysiačy hadoŭ.
Uładzisłaŭ Bochan adznačyŭ, što 22 spravazdačy — heta absalutny rekord. Pavodle jaho słoŭ, sistema nastolki pryzvyčaiłasia da biezapielacyjnaha vykanańnia zahadaŭ źvierchu, što navat vidavočnyja prykmiety fašysckaj ideałohii nie vyklikali ŭ piedahohaŭ supracivu.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
i tvoj biestołkovyj post - jarčajšij tomu primier.
kstati, eto mietody heb́ja i musorov - diełať naitupieišije posty imienno na movie, diskrieditiruja jejo. a ty ċjich budieš?