Były palitviazień i juryst paviedamiŭ, što jaho muzyčnyja zapisy źjavilisia na asnoŭnych muzyčnych stryminhavych płatformach. Pra heta jon napisaŭ u sacyjalnych sietkach
Skrynšot videa ČiestnOk-Live
Raniej jaho tvory možna było słuchać tolki na SoundCloud, dzie jon publikavaŭsia pad psieŭdanimam Max Bai. Ciapier ža pieśni raźmieščanyja prykładna na 25 płatformach. Muzyku možna znajści, uvioŭšy ŭ pošuku Maksim Znak na takich servisach, jak Spotify, Apple Music i YouTube Music.
Pakul na stryminhach dastupnyja kampazicyi, zapisanyja ŭ studyi da 2020 hoda. Apošnija piać hadoŭ, adznačyŭ aŭtar, studyjnych zapisaŭ nie było (Maksim byŭ za kratami), ale jon płanuje źmianić heta ŭ budučyni.
Asobna Znak raić słuchačam źviarnuć uvahu na albom «Vietraź», u stvareńni jakoha ŭdzielničali prafiesijnyja muzyki. U pracy nad aranžyroŭkami značnuju rolu adyhrała multyinstrumientalistka i vakalny piedahoh Una Perasetskaya.
Muzyka źjaviłasia na anłajn-servisach dziakujučy namahańniam syna aŭtara — Alesia Znaka, jaki dapamoh z publikacyjaj i prasoŭvańniem kantentu. Pavodle muzyki, u płanach — novyja zapisy: «vielmi šmat užo napisana piesień, ale pakul jany nie zapisvajucca».
Pieršy novy trek, jaki moža źjavicca paźniej, maje nazvu «Majaki», paviedamiŭ Maksim Znak.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary