Былы палітвязень і юрыст паведаміў, што яго музычныя запісы з'явіліся на асноўных музычных стрымінгавых платформах. Пра гэта ён напісаў у сацыяльных сетках
Скрыншот відэа ЧестнОк-Live
Раней яго творы можна было слухаць толькі на SoundCloud, дзе ён публікаваўся пад псеўданімам Max Bai. Цяпер жа песні размешчаныя прыкладна на 25 платформах. Музыку можна знайсці, увёўшы ў пошуку Maksim Znak на такіх сэрвісах, як Spotify, Apple Music і YouTube Music.
Пакуль на стрымінгах даступныя кампазіцыі, запісаныя ў студыі да 2020 года. Апошнія пяць гадоў, адзначыў аўтар, студыйных запісаў не было (Максім быў за кратамі), але ён плануе змяніць гэта ў будучыні.
Асобна Знак раіць слухачам звярнуць увагу на альбом «Ветразь», у стварэнні якога ўдзельнічалі прафесійныя музыкі. У працы над аранжыроўкамі значную ролю адыграла мультыінструменталістка і вакальны педагог Una Perasetskaya.
Музыка з'явілася на анлайн-сэрвісах дзякуючы намаганням сына аўтара — Алеся Знака, які дапамог з публікацыяй і прасоўваннем кантэнту. Паводле музыкі, у планах — новыя запісы: «вельмі шмат ужо напісана песень, але пакуль яны не запісваюцца».
Першы новы трэк, які можа з'явіцца пазней, мае назву «Маякі», паведаміў Максім Знак.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары