Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Uvieś Threads razvažaje, što zdaryłasia ź Miesiacam. Pryhledźciesia: kali raniej jon byŭ viertykalny, to ciapier nibyta lažyć nad haryzontam. My paprasili astrafizika patłumačyć, što zdaryłasia.
Karystalniki sacsietak abmiarkoŭvajuć, čamu Miesiac raptam źmianiŭ svajo miescaznachodžańnie na niebie. Zamiest viertykalnaha ciapier jon nibyta haryzantalny:
«Ja adna heta baču ci nas šmat? Miesiac ža byŭ inšy».
«Užo nie pieršy raz takoje bačym u Biełarusi i ŭsio roŭna ździŭlajemsia, ale raniej taksama nie pamiatajem, kab jon tak haryzantalna lažaŭ».
«Vy chočacie skazać, što Miesiac zaŭždy byŭ paviernuty, jak ciapier? Fota 2021 hoda, kaho vy razvodzicie? Ja čakaju tłumačeńnie».
Astrafizik Ivan Siŭcoŭ patłumačyŭ «Našaj Nivie», što nasamreč zdaryłasia. Sam Miesiac nie śviecić — my bačym Miesiac na niebie, tamu što jaho aśviatlaje Sonca. Sonca, Ziamla i Miesiac ruchajucca ŭ kosmasie pa svaich trajektoryjach. I kab Miesiac akazaŭsia «lažačy», hetyja abjekty pavinny byli apynucca ŭ asablivym stanoviščy adzin da adnaho.
Dla naziralnika ź Ziamli Sonca ruchajecca ŭ niebie prykładna pa kole, ale pry hetym praz nachił ziamnoj vosi na 23,5° toje koła ŭ peŭnych učastkach źmianiaje svoj vuhał adnosna haryzontu. Tamu Sonca ŭ niebie nie zaŭždy chodzić pa adnoj i toj ža trajektoryi: naprykład, letam jano padymajecca ŭ niebie vyšej, čym uzimku.
Ciapier, u dni paśla viasnovaha raŭnadzienstva (22 sakavika), hetaja trajektoryja ŭ našym paŭšarji samaja krutaja. Na zachadzie jana staić amal viertykalna da haryzontu, što i dazvalaje Soncu padśviacić Miesiac źnizu.
«Miesiac taksama moža trochi sychodzić u bok, bo jon krucicca pad nachiłam. I ciapier spałučyłasia dźvie rečy: i Miesiac, i Sonca maksimalna adchililisia ad zvykłych trajektoryj. Tamu miesiacovy sierp pamianiaŭ stanovišča i zrabiŭsia bolš lažačym, jak na ekvatary», — tłumačyć navukoviec.
Ale chutka Miesiac vierniecca ŭ svajo zvykłaje stanovišča.
«Naša Niva» — bastyjon biełaruščyny
PADTRYMAĆŠto viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary