Vice-prezident ZŠA źbirajecca naviedać Budapiešt 7—8 krasavika, paviedamlaje Politico.
Vens stanie samym vysokapastaŭlenym amierykanskim hościem u Vienhryi z časoŭ vizitu prezidenta Džordža Buša-małodšaha ŭ červieni 2006 hoda.
Pradstaŭniki Dziarždepartamienta i ofisa vice-prezidenta nie adkazali vydańniu pra pryčyny pajezdki Vensa ŭ Budapiešt. «Adnak dakumient vyrazna demanstruje praorbanaŭskuju nakiravanaść administracyi Trampa», — piša Politico.
Učora Tramp nazvaŭ premjera Vienhryi Viktara Obrana sapraŭdnym siabram i bajcom, vykazaŭšy jamu padtrymku.
«Jon sapraŭdny siabar, bajec i pieramožca. Viktar Orban nikoli nie padviadzie vialiki narod Vienhryi. Ja zaŭsiody ź im», — napisaŭ Tramp u svajoj sacyjalnaj sietcy Truth.
Prezident ZŠA padkreśliŭ, što «poŭnaściu padtrymlivaje» pieraabrańnie Orbana na pasadu premjer-ministra. Da dopisu jon dadaŭ svaju fatahrafiju z Orbanam, zroblenuju ŭ Biełym domie.
Parłamienckija vybary ŭ Vienhryi pryznačany na 12 krasavika.
Partyja Orbana «Fides», pavodle apytańniaŭ hramadskaj dumki, sastupaje pa papularnaści apazicyjnaj partyi «Cisa» pad kiraŭnictvam Pietera Madźjara.
Orban zajmaje pasadu premjera z 2010 hoda, heta samy doŭhi termin u vybarnych demakratyjach Jeŭropy. Taksama jon byŭ premjeram krainy ŭ 1998‑2002 hadach.
-
Žančyna z Tenesi vyžyła paśla dźviuch śmiarotnych injekcyj padčas pakarańnia śmierciu i była dastaŭlena ŭ balnicu
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
Kamientary