Jość amierykana, łate, kapučyna, espresa i fłet-uajt. Možna ŭziać šakaładny napoj
Robat-barysta — heta vialiki aŭtamat ź niekalkimi zonami: unutry jość kavamašyna, pryłada dla łate i miechaničnaja ruka-manipulatar. Raźmieščany sensarny ekran dla vybaru napoju. Na im adlustroŭvajucca techničnyja charaktarystyki: unutranaja tempieratura, stan małaka, viarškoŭ i kavavaha ziernia, piša pristalica.by
Vybar kavy nievialiki, ale całkam dastatkovy: jość amierykana, łate, kapučyna, espresa i fłet-uajt. Možna ŭziać šakaładny napoj, firmovy napoj — heta prosta kubiki lodu.
Na ekranie jość raździeły «Harantyja čyścini» i «Inhredyjenty» — u aparacie vykarystoŭvajuć kvietkavyja i fruktovyja kavavyja ziarniatki z Efiopii.
Pry zamovie možna vybrać charaktarystyki: kolkaść cukru, tempieraturu, moc kavy (dva abo try šoty espresa) i łate-art (vypadkovy ci na vybar).
Žurnalisty ŭziali łate i šakaład na małace. Napoj rychtujecca pad muzyku. Praces vyhladaje tak: ruka biare kubačak, stavić jaho pad kavamašynu, adtul ljecca małako i kava, zatym pieranosić u pryładu dla łate-arta i ŭ kancy padaje napoj.
Malunak na łate dastaŭsia vypadkovy: nie zrazumieła, jak vybrać kankretny, naprykład, kaciania. Jon atrymaŭsia roŭnym i akuratnym. Pa smaku — zvyčajnaja kava z aŭtamata. Šakaład na małace byŭ smačniejšy. Robat navat ruchaŭsia, raźmiešvajučy kakavu ŭ małace ŭ kubačku. Cukar vybirali zvyčajny — atrymałasia pryjemna, nie sałodka.
Acenka: malunak — 8,5, napoj — 10.
Čas pryhatavańnia abodvuch napojaŭ — kala 2 chvilin.
Što nie spadabałasia? Mieniu vyhladaje pierahružanym. Mnostva raździełaŭ i naład, jakija nie adrazu zrazumiełyja. Stvarajecca šum: časam dumaješ, što praściej padyści da žyvoha barysta i skazać: «Mnie łate», čym stajać i vybirać charaktarystyki na ekranie.
Jak płacić i dzie pakaštavać: na samim aŭtamacie ŭsiudy pakazana suma 0 rubloŭ. Apłata adbyvajecca na kasie zapraŭki. Usie pazicyi kaštujuć adnolkava — 6,50 rubla, bo abjom u ŭsich napojaŭ adzin, kala 240 mł. Choć na ekranie byŭ zajaŭleny abjom 355 mł.
Siudy varta pryjechać chacia b dziela ekśpierymientu — heta śmiešna i niezvyčajna. Technałohija ŭražvaje, dy i sam praces pryhatavańnia vyhladaje jak mini-šou. Ale kali vy amatar kavy i dla vas na pieršym miescy smak, mahčyma, varta pryhledziecca da bolš tradycyjnych miescaŭ ź jakasnymi ziarniatkami i žyvym barysta.
Robat-barysta ciapier pracuje na AZS «A-100» pa adrasie: Navadvorski s/s, 82.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
žyvomu barysta z/p płacić treba. a hetamu - nie