U Hiermanii za hod padstrelili kala 3 tysiač radyjeaktyŭnych dzikoŭ
U minułym hodzie niamieckija palaŭničyja zastrelili prykładna try tysiačy dzikoŭ, jakija padvierhlisia ŭździejańniu radyjeaktyŭnaha ceziju-137. Pra heta infarmuje hazieta Bild sa spasyłkaj na danyja, padadzienyja Fiederalnym administracyjnym viedamstvam.
Bild piša, što «radyjeaktyŭnyja» dziki źjaŭlajucca ŭ lasach fiederalnych ziemlaŭ Bavaryja, Rejnłand-Pfalc, Baden-Viurtembierh, Ciurynhija i Saksonija z-za pavyšanaha radyjacyjnaha fonu. Jon stvaryŭsia ŭ vyniku avaryi na Čarnobylskaj AES u 1986 hodzie.
Supracoŭnik Fiederalnaha ŭpraŭleńnia pa radyjałahičnaj abaronie raskazaŭ vydańniu, što cezij-137 maje pieryjad paŭraspadu kala 30 hadoŭ. Pry hetym u lasnych ekasistemach raśliny, asabliva hryby, jakimi charčujucca dziki, zdolnyja nazapašvać hety radyjeaktyŭny elemient z hleby.
«U ahulnym liku 2927 dzikoŭ, u tym liku parasiat, padstrelenych palaŭničymi ŭ Hiermanii, byli ŭtylizavanyja z-za praźmiernaha apramieńvańnia», — piša hazieta.
Pavodle infarmacyi ad Bild, u miasie dzikoŭ, adpraŭlenym na ŭtylizacyju, vyjaŭlena pavyšanaje ŭtrymańnie radyjeaktyŭnaha ceziju-137. Palaŭničyja, jakija zdabyli hetych žyvioł, nie zmahli realizavać ich miasa na rynku, tamu atrymali ad uładaŭ kampiensacyi: prykładna 204 jeŭra za darosłuju asobinu i kala 102 jeŭra za parasia.
Na trasie ŭ Viciebskaj vobłaści zrobiać masty-tuneli dla dzikich žyvioł
Pra žyvioł na darohach pačnie papiaredžvać štučny intelekt
U Hiermanii chočuć zabaranić načnoje kašeńnie hazonaŭ, bo heta škodzić vožykam
Ryś, jakaja hulaje, miadźviedź i fłaminha na fonie pravadoŭ. Za kaho hałasavali hledačy na konkursie «Fatohraf dzikaj pryrody hoda»
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary