Źviazany z atačeńniem Łukašenki biznesmien pavialičyŭ dachody va Ukrainie i atrymaŭ ukrainski pašpart
Hramadzianin Armienii i Biełarusi Artur Hranc, fihurant rasśledavańniaŭ litoŭskich i ŭkrainskich žurnalistaŭ ab raźvićci biazmytnaha handlu ŭ aeraportach i kantrabandzie biełaruskaha tytuniu, pavialičyŭ svoj dachod ad biznesu va Ukrainie, zaŭvažyła «Radyjo Svaboda».
Jak vynikaje sa składzienaha ŭkrainskim resursam Opendatabot rejtynhu, Artur Hranc u 2025 hodzie naraściŭ dachod svaich kampanij na 6,28% — da 607 668 575 hryŭniaŭ (13 810 649 dalaraŭ u ekvivalencie).
U ahulnym rejtynhu ŭkrainskich biznesoŭcaŭ sioleta jon zaniaŭ 2 698 miesca i straciŭ 91 punkt, a ŭ kijeŭskim rejtynhu jon — na 730 miescy (straciŭ 24 punkty).
Va Ukrainie Artur Hranc maje 12 kampanij. Jon ułaśnik tolki adnoj ź ich, u inšych 11 jon bienieficyjar. Kampanii pracujuć adrazu ŭ niekalkich siektarach — u biazmytnym handli ałkaholem, u roźničnym handli adzieńniem, u druku časopisaŭ i vydańniaŭ, u kampjutarnych pasłuhach, u restarannaj dziejnaści, u arendzie nieruchomaści.
Sioleta 30 sakavika litoŭskaje vydańnie LRT apublikavała vyniki rasśledavańnia, zhodna ź jakim Hranc finansuje režym Łukašenki praz raźvićcio sietki kram biazmytnaha handlu i pry hetym bieśpieraškodna raźvivaje biznes u Litvie. Zhodna z rasśledavańniem, jon vałodaje adnym z samych darahich restaranaŭ Vilni HeJi i raskošnym hatelem Esperanza Resort u Trokach.
U 2024 hodzie ŭkrainskaja hramadskaja arhanizacyja «NON-STOP» sprabavała praz sud dabicca zaviadzieńnia kryminalnaj spravy suprać Artura Hranca za niezakonny handal cyharetami i ałkaholem. Pavodle słoŭ aktyvistaŭ, biznesoviec za čas poŭnamaštabnaj vajny Rasii suprać Ukrainy staŭ «adzinym lidaram prodažu cyharet praź sistemy Duty Free». Arhanizacyja nazvała jaho «karalom kantrabandy».
Va Ukrainie biełarus Artur Hranc žyŭ na padstavie dazvołu na žycharstva, ale ŭ 2021 hodzie vyjechaŭ z Ukrainy ŭ Ispaniju, dzie maje nieruchomaść. Ciapier, jak vynikaje z rejtynhu ŭkrainskich biznesmienaŭ, jon maje i ŭkrainski pašpart. Raniej było viadoma tolki pra jaho biełaruskaje i armianskaje hramadzianstva.
Pradprymalnik, źviazany z atačeńniem Łukašenki, vałodaje adnym z samych darahich restaranaŭ u Vilni i hatelem u Trokach
Niamiecki ŭładalnik kramaŭ Duty Free u aeraportach Litvy viadzie biznes i ŭ Biełarusi
Va Ukrainie aktyvisty patrabujuć rasśledavać dziejnaść biełaruskaha «karala kantrabandy»
Saŭładalnik najbujniejšaj biełaruskaj sietki kramaŭ duty-free kuplaje ŭkrainski časopis «Fokus»
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary