Pamiatajecie Paŭła z DCP, jaki skaryŭ sacsietki biełaruskaj movaj? Jamu pieradali padarunki
Paŭłu padaryli nie tolki raman Karatkieviča, pra jaki jon maryŭ, ale i siertyfikat u knižnuju kramu na vialikuju sumu.
Pavieł staŭ hierojem videa minskaha błohiera Dźmitryja Žycha (Belrels), jaki viadomy svaimi vuličnymi intervju z vypadkovymi minakami. Jon raspytvaje mieścičaŭ pra toje, jak jany žyvuć i pra što marać, pry hetym časta hierojami jaho apytanak stanoviacca ludzi ź invalidnaściu.
U Paŭła DCP, ale, sa słoŭ błohiera, «za drajvam i ščyraściu junaka hetaha prosta nie zaŭvažaješ». «Jon — fiłołah, jaki zakachany ŭ biełaruskuju movu, i jaho śviet zaradžaje ŭsio navokał», — raspavioŭ Dźmitryj.
Pavieł raskazaŭ pra siabie, što lubić čytać knihi i hladzieć futboł. A taksama maryć pracavać pa śpiecyjalnaści — jon fiłołah: «Mnie cikava zajmacca navukaj. Liču, što ŭ Biełarusi pavinna bolš raźvivacca biełaruskaja mova. U nas šmat vybitnych ludziej, jakija prasłavili našu krainu na ŭvieś śviet. U krainie hetamu nadajecca mała ŭvahi, tamu ja i abraŭ dla siabie taki šlach. Liču, što heta maja misija».
Kali zajšła havorka pra mary, Pavieł pryznaŭsia, što daŭno chacieŭ nabyć raman Uładzimira Karatkieviča «Kałasy pad siarpom tvaim». Ale kniha kaštuje doraha.
U kamientarach usie byli ŭ zachapleńni ad biełaruskamoŭnaha chłopca. U Threads tehnuli akaŭnt anłajn-kramy oz.by — ludzi pisali, što hatovy skinucca hrašyma na knihu kłasika biełaruskaj litaratury. Ale ž pradstaŭniki kramy adkazali, što z zadavalnieńniem padorać jaje sami.
Taksama ŭ kamientary pryjšli pradstaŭniki kramy Marks — jany dadali, što dorać Paŭłu siertyfikat u svaju kniharniu naminałam 500 rubloŭ.
Darečy, raman «Kałasy pad siarpom tvaim» niekalki hadoŭ tamu prybrali sa školnaj prahramy. A pasadziejničaŭ hetamu dyrektar Nacyjanalnaj biblijateki Vadzim Hihin. Jon paličyŭ, što znakamity raman Uładzimira Karatkieviča nie spryjaje farmavańniu ŭ školnikaŭ histaryčnaj pamiaci, jakaja patrebna ŭładam.
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi
Hihin pryznaŭsia, što «Kałasy pad siarpom tvaim» vyklučyli sa školnaj prahramy ź jaho inicyjatyvy
Vychodzić kniha Alaksandra Fiaduty pra leksikon «Kałasoŭ pad siarpom tvaim», jakuju jon pisaŭ u śledčym izalatary KDB
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary