Prezidentka Mieksiki zaprasiła znakamituju kačku Mierlin da siabie ŭ pałac, a taja dzieŭbanuła jaje ŭ ruku
Mierlin stała internet-siensacyjaj u dzień adkryćcia čempijanatu śvietu, kali jaje zaŭvažyli na vulicach centra Miechika padčas śviatkavańnia pieramohi zbornaj Mieksiki nad PAR.
Viadomaja kačka Mierlin, jakaja stała nieaficyjnym talismanam Mieksiki na ČS-2026, naviedała Nacyjanalny pałac pa zaprašeńni prezidentki krainy Kłaŭdzii Šejnbaum.
Na tradycyjnaj ranišniaj pres-kanfierencyi Mierlin źjaviłasia ŭ džersi zbornaj Mieksiki i šaliku FIFA. Šejnbaum adznačyła, što historyja kački stała simvałam nie tolki čempijanatu śvietu, ale i pracavitaści jaje ŭładalnikaŭ, piša sports.ru.
«My chočam paznajomicca z hetaj siamjoj, daviedacca pra ich žyćcio i dapamahčy im. Mierlin užo vielmi viadomaja, ale mienavita jaje siamja kłapocicca pra jaje i robić Mieksiku vialikaj krainaj», — zajaviła prezident.
Padčas sustrečy adbyŭsia paciešny epizod: kali Šejnbaum pasprabavała pahładzić ptušku, Mierlin źlohku dzieŭbanuła jaje ŭ ruku.
| #URGENTE SÁQUESE: El Pato Merlín le soltó un picotazo a la mascota de los narcos Claudia Sheinbaum cuando esta lo quería tocar con sus asquerosas y socialistas manos. https://t.co/Z86pJillap pic.twitter.com/C3LIevlHmc
Mierlin stała internet-siensacyjaj u dzień adkryćcia čempijanatu śvietu, kali jaje zaŭvažyli na vulicach centra Miechika padčas śviatkavańnia pieramohi zbornaj Mieksiki nad PAR (2:0). Z taho času kačka rehularna źjaŭlajecca ŭ ŚMI i ličycca adnym ź simvałaŭ turniru.
Z-za imklivaha rostu papularnaści ŭładalniki ptuški ŭžo pačali praceduru rehistracyi vyjavy Mierlin u jakaści handlovaj marki, kab abaranić pravy na vykarystańnie jaje vyjavy.
«Ja chaču, kab uvieś śviet ubačyŭ pryhožy bok Mieksiki. Dumaju, naša historyja stała papularnaj tamu, što ludzi ŭbačyli zvyčajnuju pracavituju siamju, jakaja kožny dzień pracuje dziela svajoj budučyni», — skazała haspadynia kački Karła Iviet Homies.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary