Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
U adpaviednaści sa statutam premii žury abrała dvanaccać knih, vydadzienych u roznych krainach i vydavieckich asiarodkach.
Arhkamitet premii imia Ježy Hiedrojcia abviaściŭ doŭhi śpis tvoraŭ, naminavanych u 2026 hodzie na adnu z najvažniejšych litaraturnych uznaharod u biełaruskaj kulturnaj prastory.
Sioletni doŭhi śpis premii imia Ježy Hiedrojcia adlustroŭvaje raznastajnaść sučasnaj biełaruskaj litaratury — u im pradstaŭleny tvory roznych žanraŭ i formaŭ, piša pres-słužba Premii.
U adpaviednaści sa statutam premii žury abrała dvanaccać knih, vydadzienych u roznych krainach i vydavieckich asiarodkach. Častka ź ich pradstaŭlena ŭ zašyfravanaj formie ŭ metach biaśpieki: sapraŭdnyja imiony aŭtaraŭ i nazvy tvoraŭ raskryvajucca vyklučna siabram žury, što abumoŭlena realnymi ŭmovami, u jakich stvarajecca i raspaŭsiudžvajecca siońnia biełaruskaja litaratura.
Doŭhi śpis naminantaŭ
U 2026 hodzie ŭ doŭhi śpis premii ŭvajšli nastupnyja knihi:
- «Cieśla žyćcia» — Siarhiej Dubaŭcevič (zašyfravany ŭdzieł)
- «Plac» — Źmicier Załozny (zašyfravany ŭdzieł)
- «Prosta ź lubovi. Reparciorskija partrety pamiaci» — Hanna Kandraciuk (Centr biełaruskaj kultury ŭ Biełastoku, 2025)
- «Chałodnyja ziemli» — Alaksandr Karnaŭch (Gutenberg Publisher, 2025)
- «Lirnik» — Alaksandr Kaściukovič (zašyfravany ŭdzieł)
- «Ejfaryja» — Maryja Parchimčyk (Pflaŭmbaŭm, 2025)
- «Ciahnik da Poznania» — Alaksiej Pravałocki (Gutenberg Publisher, 2025)
- «Radzina» — Zbych Słupoŭski (Halijafy, Maraton, 2025)
- «Boŭ i mierć u Chrotnie» — Dzianis Trusaŭ (Kamunikat.org, 2025)
- «Raz dva try čatyry dva» — Piotr Umanski (RozUM Media, 2025)
- «Pientakvantar» (knihi 1 i 2) — Arciom Šukanaŭ (Gutenberg Publisher, 2025)
- «Sproba ekśpierymientalnaha kanstrujavańnia siabie» (knihi 1 i 2) — Maks Ščur (SayBeat, 2025)
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary