Alimpijadnika z Rečycy, jaki vučyŭsia ŭ BDUIR, asudzili pa spravie Hajuna
Daniił Brykun byŭ vydatnikam, vučyŭsia ŭ Nacyjanalnym dziciačym technaparku i pastupiŭ na prestyžny fakultet kampjutarnych sistem i sietak BDUIR. Niadaŭna 20‑hadovaha chłopca asudzili za palityku.
20‑hadovy Daniił Brykun rodam z Rečycy, vučyŭsia tam u rajonnaj himnazii.
U škole pakazvaŭ vydatnyja vyniki, udzielničaŭ u abłasnych alimpijadach pa prahramavańni, prajšoŭ składany adbor u Nacyjanalny dziciačy technapark i ŭ 2023 hodzie skončyŭ himnaziju z załatym miedalom.
Paśla škoły Brykun pastupiŭ u BDUIR na fakultet kampjutarnych sistem i sietak. Miarkujučy pa źviestkach z sacsietak, chłopiec sa škoły šmat času pryśviačaŭ prahramavańniu i technałohijam.
Daniił lubić videahulni. Taksama abmiarkoŭvaŭ techničnyja naviny ŭ tematyčnych supołkach.
Niadaŭna stała viadoma pra kryminalny pieraśled maładoha čałavieka. Jaho sudzili ŭ Minskim haradskim sudzie pavodle častak 1 i 2 artykuła 361‑4 KK — «sadziejničańnie ekstremisckaj dziejnaści». Jamu prysudzili chatniuju chimiju.
Padrabiaznaści spravy nieviadomyja, ale zvyčajna hety artykuł źviazany ź pieraśledam pa spravie Hajuna.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik «Hajuna» Anton Matolka adrazu paśla ŭzłomu patłumačyŭ, jak adbyłasia ŭciečka infarmacyi, i abviaściŭ pra zakryćcio prajekta.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony 9594 ludziej, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Naša Niva» — bastyjon biełaruščyny
PADTRYMAĆ
Deputatka, jakaja rychtuje pryhažuń dla Łukašenki, vyjšła zamuž23
Kamientary