ZŠA i Iran abmianialisia novymi ŭdarami, pastaviŭšy pad pahrozu pieramirje
ZŠA i Iran uvajšli ŭ śpiral eskałacyi, znoŭ abmianiaŭšysia maštabnymi vajennymi ŭdarami. Heta adbyłosia ŭsiaho praz dva tydni paśla padpisańnia mirnaha miemaranduma, jaki pavinien byŭ spynić kanflikt i adkryć stratehičny Armuzski praliŭ. Abodva baki vinavaciać adzin adnaho ŭ parušeńni režymu spynieńnia ahniu.
Novaja chvala pačałasia paśla taho, jak iranski dron atakavaŭ u Armuzskim pralivie handlovaje sudna pad ściaham Panamy. U adkaz Centralnaje kamandavańnie ZŠA (CENTCOM) naniesła načnyja ŭdary pa 10 celach unutry Irana, razbambiŭšy składy rakiet, bieśpiłotnikaŭ i sistemy SPA.
U.S. Navy and Air Force fighter jets conducted strikes tonight on 10 Iranian military targets at multiple locations in and near the Strait of Hormuz for Iran's drone attack on M/T Kiku. pic.twitter.com/Z0TLZRqmF6
Donald Tramp zajaviŭ u Truth Social, što Tehieran nie vykonvaje damoŭlenaści, i papiaredziŭ: kali spatrebicca skončyć pracu vajennym šlacham, «Isłamskaja Respublika Iran bolš nie budzie isnavać».
Praź niekalki hadzin Iran adkazaŭ rakietnymi ŭdarami i nalotam dronaŭ na amierykanskija vajennyja bazy ŭ Kuviejcie i Bachrejnie.
Korpus vartavych isłamskaj revalucyi (KVIR) zajaviŭ pra źniščeńnie vaśmi važnych abjektaŭ infrastruktury ZŠA i paabiacaŭ u bližejšyja dni zrabić dla amierykanskich vajskoŭcaŭ u rehijonie «piekła». Infarmacyi pra achviary siarod piersanału ZŠA pakul niama.
Heta ŭžo druhi abmien udarami za apošnija sutki. Napružanaść pačała raści jašče 25 červienia, kali Iran abstralaŭ sinhapurski suchahruz za «niesankcyjanavany maršrut».
Vice-prezident ZŠA Džej Dzi Vens, jaki vioŭ pieramovy ź Iranam, zaklikaŭ Tehieran vyrašać pytańni pa telefonie, a nie siłaj, i papiaredziŭ, što na hvałt zaŭsiody budzie adkaz. Na fonie novych bajoŭ śviet rychtujecca da čarhovaha skačka cen na naftu, jakija tolki-tolki paśpieli źnizicca paśla červieńskaha pahadnieńnia.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary