Šulman pra Łukašenku na Vałdai: Niešta tam adbyvajecca, čaho nie było raniej
Palitołah Kaciaryna Šulman u efiry telekanała «Doždž» prakamientavała tajamničy vizit Alaksandra Łukašenki da Pucina na Vałdaj. Na jaje dumku, adsutnaść uciečak i toje, što sustrečy zaciahnulisia na dva dni, śviedčać pra surjozny cisk na Łukašenku z boku Kramla. Jana kaža, što varta ŭvažliva sačyć za tym, što adbyvajecca «na biełaruskim kirunku».
Šulman spytali nakont scenaryjaŭ eskałacyi vajny Rasii suprać Ukrainy. Palitołah tut źviarnuła ŭvahu jakraz na biełaruski kirunak. Jana skazała, što nie choča razvodzić kanśpirałohiju praź niedachop dadzienych. Ale raić uvažliva sačyć za im.
«Niešta tam adbyvajecca», — miarkuje jana.
Na dumku Šulman, Maskva sprabuje prycisnuć Łukašenku i pazbavić jaho mahčymaści manieŭravać.
Palitołah źviartaje ŭvahu, što palityka administracyi ZŠA ŭ dačynieńni da Biełarusi pryncypova adroźnivajecca pa pradumanaści i efiektyŭnaści ad taho, što adbyvajecca pamiž Vašynhtonam i Maskvoj. Palityka Biełarusi ŭ adnosinach da Ukrainy taksama nie takaja, jak u Rasii.
Šulman miarkuje, što Pucin moh vyklikać Łukašenku albo z-za pretenzij u praźmiernaj łajalnaści da Kijeva, albo z ultymatumam ustupić u vajnu paŭnavartasna.
«Tam cikava nasamreč. Ci hetaja taktyka maje pośpiech, ci ŭłasny instynkt vyžyvańnia Alaksandra Ryhoraviča (jaki znakamity svajoj vyžyvalnaściu) jamu padkazvaje, što treba niejak adpaŭzać pacichu [ad Rasii], ci Ukraina namacała niejkaje miesca, kudy možna nacisnuć… Ale tam niešta takoje robicca, takoje, čaho nie było raniej», — miarkuje jana.
Jana źviarnuła ŭvahu, što Łukašenka znachodzicca dva dni na Vałdai biez anijakich, navat biez pratakolnych fota i videa.
«Ci vyklikali jaho nasvarycca za zališniuju kanformnaść u adnosinach z Ukrainaj? Ci vyklikali jaho prycisnuć da ściany i skazać: «Usio, budzieš vajavać z paniadziełka, i tabie ŭžo nie adkrucicca»? Nie viedaju. Miarkujučy pa tym, što až dva dni spatrebiłasia, jon, napeŭna, vykručvajecca. Sił jamu i ŭdačy, što tut možna skazać», — dadała jana.
-
Lavon Volski: «Kali chto dumaje, što ź siońniašnimi spadkajemcami savieckich kataŭ dy zabojcaŭ možna pra niešta damaŭlacca, jon žorstka pamylajecca»
-
Dziadok: «Nijakaja palityčnaja meta nie kaštuje žyćcia ludziej»? U vas nul razumieńnia palityki i nul razumieńnia žyćcia
-
Statkievič na zvarot Zołatavaj i Kaleśnikavaj: Jon abiasceńvaje pakuty i achviary, heta ideałohija prystasavanstva
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
No, nam, ot etoho, nie lehčie.....