Šaścihadovaja dziaŭčynka na rovary zahinuła na darozie pad Mahilovam
U Mahiloŭskim rajonie šaścihadovaja dziaŭčynka zahinuła pad kołami aŭtamabila paśla taho, jak na rovary vyjechała na prajeznuju častku.
Pavodle infarmacyi Śledčaha kamiteta, trahiedyja adbyłasia ŭdzień 6 lipienia na 26‑m kiłamietry aŭtadarohi R-93 Mahiloŭ — Babrujsk, kala sadovaha tavarystva «Pušča». 38‑hadovy kiroŭca Audi ździejśniŭ najezd na dzicia, jakoje raptoŭna vyjechała na darohu na rovary.
Ad atrymanych traŭmaŭ dziaŭčynka zahinuła na miescy zdareńnia.
Na miescy avaryi pracavała śledča-apieratyŭnaja hrupa. Śledčyja ahledzieli miesca DTZ, zafiksavali ślady i apytali śviedak. Ustanoŭlena, što dzicia katałasia na viełasipiedzie biez nahladu darosłych.
Pa fakcie zdareńnia zaviali kryminalnuju spravu pavodle č. 2 art. 317 Kryminalnaha kodeksa Biełarusi (parušeńnie pravił darožnaha ruchu, jakoje pa nieaściarožnaści paciahnuła śmierć čałavieka).
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary