Zialenski: Vystavy ŭzbrajeńnia padčas vajny dakładna pravodzić nielha
Prezident Ukrainy Uładzimir Zialenski paśla siońniašniaha rasijskaha balistyčnaha ŭdaru pa Kijeŭskaj vobłaści zajaviŭ, što vajennyja ŭmovy nie dazvalajuć pravodzić vystavy ŭzbrajeńnia ź vialikaj kolkaściu ludziej.
U svaim viačernim videazvarocie prezident Ukrainy adznačyŭ, što pra heta «ŭžo tysiaču razoŭ havaryli», i padkreśliŭ, što takoje mierapryjemstva «dakładna nie pavinna było adbycca».
Pa słovach Zialenskaha, choć adkaznaść za ataku niasie Rasija, u situacyi, kali kraina viadzie vajnu z takim praciŭnikam, jak Rasija, pravodzić vystavy zbroi, asabliva pablizu žyłych damoŭ i z masavym udziełam ludziej, niedapuščalna.
Zialenski taksama vykazaŭ spačuvańni siemjam i blizkim zahinułych u vyniku rakietnaha ŭdaru.
24 lipienia ŭ Kijevie i Kijeŭskaj vobłaści była abvieščanaja pavietranaja tryvoha praz pahrozu prymianieńnia balistyčnych rakiet. Nieŭzabavie prahučali vybuchi.
Paźniej zasnavalnik kampanii-vytvorcy abaronnaj pradukcyi First Contact Valeryj Baravik paviedamiŭ u efiry telekanała «Apostrof TV», što pad udar trapiŭ palihon, dzie ŭ hety čas prachodziła vystava ŭzbrajeńnia.
«Ukrainskaja rada zbrojnikaŭ» taksama paćvierdziła, što ataka była naniesienaja pa miescy, dzie znachodzilisia pradstaŭniki ŭkrainskaj abaronnaj pramysłovaści. Pry hetym arhanizacyja adznačyła, što infarmacyja pra dakładnaje miesca praviadzieńnia mierapryjemstva publična nie raspaŭsiudžvałasia.
Pavodle papiarednich danych, u vyniku ŭdaru zahinuli 10 čałaviek, jašče kala 100 atrymali ranieńni.
U Ofisie hienieralnaha prakurora Ukrainy paviedamili, što śledstva pavinna vyśvietlić, chto pryniaŭ rašeńnie ab praviadzieńni mierapryjemstva, chto ŭzhadniaŭ miesca, čas i farmat jaho praviadzieńnia, jakija miery biaśpieki byli praduhledžanyja i ci byli naležnym čynam acenienyja ryzyki va ŭmovach vajennaha stanovišča.
U vyniku ŭdaru «Iskanderami» pa vystavie ŭzbrajeńnia pad Kijevam zahinuli 10 čałaviek, 100 paranienyja
Rasija naniesła ŭdar «Iskanderami» pa palihonie pad Kijevam, dzie prachodziła vystava ŭzbrajeńnia
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary