U avaryi ŭ Batumi zahinuli dvoje biełaruskich turystaŭ — 43‑hadovaja žančyna i 63‑hadovy mužčyna
MZS Biełarusi paćvierdziła hibiel dvuch biełaruskich turystaŭ u hruzinskim Batumi, paviedamlaje BiełTA.
«U vyniku DTZ zahinuli dvoje turystaŭ: žančyna 1983 hoda naradžeńnia i mužčyna 1963 hoda naradžeńnia. Jašče 12 čałaviek z traŭmami siaredniaj i lohkaj stupieniaŭ ciažkaści byli dastaŭlenyja ŭ balnicy», — paviedamili ŭ MZS.
Raniej pra DTZ sa śmiarotnym vynikam, jakoje adbyłosia zranku 25 lipienia ŭ Batumi, paviedamili hruzinskija ŚMI. Pavodle ich śviedčańniaŭ, sutyknulisia aŭtobus i lehkavik. Ad mocnaha ŭdaru mikraaŭtobus pierakuliŭsia, a lehkavik reznuŭsia ŭ ścianu budynka Batumskaha ŭniviersiteta mastactvaŭ. U mikraaŭtobusie znachodziłasia turystyčnaja hrupa — hramadzianie Biełarusi.
«Maje dzieci pavylatali ŭ vokny z maršrutki. Žonka vylezła praź luk, a jaje siabroŭka ad udaru zahinuła. Prylacieli siońnia na adpačynak, i tranśfier razvoziŭ ich pa hatelach», — cytuje padpisčyk batumskaha telehram-kanała słovy adnaho z paciarpiełych turystaŭ.
Inšy padpisčyk śćviardžaje, što tranfier turystaŭ byŭ z aeraporta ŭ Kutaisi.
Kamientary