MZS Litvy choča ŭvieści novyja abmiežavańni dla rasijan i biełarusaŭ
MZS Litvy choča ŭvieści novyja abmiežavańni dla hramadzian Rasii i Biełarusi — razmova pra zabaronu nabyvać nieruchomaść kala stratehičnych abjektaŭ i toje, kab nie ŭpuskać u Litvu dziejačaŭ kultury, adukacyi i sportu, jakija padtrymlivajuć vajnu suprać Ukrainy, piša LRT.
MZS prapanuje nie puskać u Litvu fizičnych i jurydyčnych asob z Rasii i Biełarusi, a taksama pradstaŭnikoŭ arhanizacyj, jakija chočuć vieści publičnuju dziejnaść u śfiery adukacyi, navuki, kultury, sportu, mastactva i zabaŭ, kali akažacca, što jany viaduć ci viali takuju dziejnaść na anieksavanych ci časova akupavanych Rasijaj terytoryjach Ukrainy, albo kali jany prama ci ŭskosna padtrymlivajuć vajnu suprać Ukrainy ci ŭdzielničali ŭ joj.
Taksama prapanujecca nie ŭpuskać tych, chto robić dziejańni albo pravodzić palityku, jakaja škodzić terytaryjalnaj cełasnaści, suvierenitetu i niezaležnaści Ukrainy, škodzić jaje stabilnaści ci biaśpiecy, a taksama tych, chto prama ci ŭskosna padtrymlivaje hrubyja parušeńni pravoŭ čałavieka ci represii suprać hramadzianskaj supolnaści i demakratyčnych sił u Rasii ci Biełarusi, albo čyja dziejnaść stvaraje pahrozu demakratyi ci pravavoj dziaržavie.
MZS prapanuje, kab achvotnyja pryjechać u Litvu z kancertami byli abaviazanyja padpisać dekłaracyju z asudžeńniem ahresii Rasii suprać Ukrainy i pryznańniem terytaryjalnaj cełasnaści Ukrainy ŭ mižnarodna pryznanych miežach.
MZS taksama prapanuje abmiežavać mahčymaści rasiejcaŭ i biełarusaŭ z DNŽ nabyvać nieruchomaść u Litvie pablizu stratehična važnych abjektaŭ.
MZS prapanuje, kab takija papraŭki nabyli moc z 1 studzienia nastupnaha hoda.
Raniej padobnyja prapanovy — jak adnosna hramadzian Rasii i Biełarusi, jakija chočuć vystupać u Litvie z kancertami, tak i adnosna zabarony nabyvać nieruchomaść pablizu važnych dla nacyjanalnaj biaśpieki abjektaŭ — vyłučali kansiervatary. Ich papraŭki nie byli pryniatyja, bo vyklučnaje prava inicyjavać nacyjanalnyja sankcyi dadzienaje ŭradu.
Kamientary