U ZŠA pad pahrozu departacyi mohuć trapić kala troch tysiač biełarusaŭ
Biełaruskija arhanizacyi ŭ Amierycy bjuć tryvohu, piša «Biełsat».
Kiraŭnik inicyjatyvy «ByAction» Jaŭhien Ždanovič śćviardžaje, što situacyja istotna źmianiłasia ź viartańniem Trampa ŭ Bieły dom. Z 2025 hoda spravy mihrantaŭ ź Biełarusi ŭ ZŠA jašče pahoršylisia, ŭžo paśla źmienaŭ niepasredna ŭ samoj administracyi Trampa.
Arhanizacyja «ByAction», karystajučysia adkrytymi danymi, adznačaje, što z 3 miljonaŭ zaviedzienych spraŭ ab prytułku 3162 tyčacca biełarusaŭ, jakija ciapier znachodziacca ŭ zonie asablivaj ryzyki.
Havorka idzie najpierš pra tych, chto zajechaŭ na terytoryju ZŠA praź Mieksiku i nie mieŭ adpaviednaj vizy. Ždanovič śćviardžaje, što taki ŭčynak nie źjaŭlajecca kryminalnym ci hrubym parušeńniem amierykanskich zakonaŭ. Luby čałaviek maje prava na miažy ci ŭžo na terytoryi ZŠA paprasić prytułku praz palityčny, relihijny ci inšy pieraśled. Vialikaja častka biełarusaŭ, jakim ciapier pahražaje aryšt i departacyja, zajechali ŭ krainu jakraz praź mieksikanskuju miažu.
«Navat na miažy možna skarystacca humanitarnym «parolem» i atrymać časovy dazvoł na ŭjezd u krainu z humanitarnych pryčyn. Navat pierapłyŭšy raku ci pracisnuŭšysia praz hory ci pustyniu, možna skarystacca USCIS i paprasić prytułku, zajaviŭšy, što ŭciakaješ ad pomsty kartela, uradu ci Łukašenki», — kaža Jaŭhien Ždanovič.
U inicyjatyvie «ByAction» adznačajuć, što z pačatku 2025 hoda było zatrymana jak minimum 127 hramadzianaŭ Biełarusi — 107 mužčyn i 20 žančyn. Na momant składańnia apošniaj spravazdačy ab spravach biełaruskich mihrantaŭ pad vartaj zastavalisia 64 čałavieki, 8 byli departavanyja i 9 pahadzilisia na dobraachvotny vyjezd z terytoryi ZŠA.
Ludziej masava aryštoŭvajuć i źmiaščajuć u centry izalacyi jašče da razboru ŭ spravie prytułku dla ich. Navat kali čałaviek nie maje parušeńniaŭ i kryminalnaj historyi i nie stanović nijakaj niebiaśpieki dla hramadstva.
Jaŭhien Ždanovič adznačaje, što ŭžo ź lipienia 2025 hoda nazirajecca rezkaje padzieńnie adsotka stanoŭčych rašeńniaŭ ab prytułku dla biełarusaŭ. U mai 2026‑ha byŭ zafiksavany rekordna nizki pakaźnik — ažno 76 % spraŭ skončylisia admovaj, adpaviedna, tolki 24 % byli zadavolenyja. Choć u traŭni 2025 hoda ŭ 73 % vypadkaŭ prymalisia stanoŭčyja rašeńni.
Narešcie, jašče adna prablema — taja, što mnostva biełarusaŭ, jakija pierajechali ŭ ZŠA ŭ pošukach prytułku, majuć praterminavanyja pašparty i, adpaviedna, nie mohuć samastojna pakinuć terytoryju krainy.
Adnak źjaviłasia infarmacyja, što amierykanskija mihracyjnyja słužby pačali departavać biełarusaŭ u trecija krainy, nie zaŭždy biaśpiečnyja. Da prykładu, imihracyjny sud Kalifornii pastanaviŭ vysłać dvuch hramadzianaŭ Biełarusi ažno ŭ Bieliz.
Utrymańnie pad vartaj moža praciahvacca da 2,5 hoda, ale ŭ siarednim vychodzić 10 miesiacaŭ. Košt pracy advakata i pisańnia skarhaŭ za taki pieryjad moža skłaści ad $ 10 tys. da $ 40 tys. Jon adznačaje, što jurydyčnaja dapamoha ź viadzieńniem spravy i składańniem skarhaŭ u Amierycy vielmi darahaja.
Pryčynaju takoha doŭhaha źniavoleńnia aktyvist Hleb Ivaškievič nazyvaje słabuju padrychtavanaść mihracyjnaj spravy i dakumientaŭ biełarusaŭ. Jon kaža, što ludzi zvykli da starych łahodnych časoŭ, a ciapier ad ich patrabujuć značna bolš abhruntavańniaŭ i dokazaŭ. Siarod inšaha, źniziŭsia davier da ludziej, jakija vyjechali z Polščy i zajechali ŭ ZŠA praź Mieksiku.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
vsio pravilno, Tramp "čistit" Amieriku.... Takova siejčas politika pravitielstva. V SŠA niet ni Šienhiena ni Dublina-3. Jeśli čieł nužien stranie ostaviat, niet nazad, otkuda priletieł ili v Habon ili Honduras. U etich stran niet sohłašienija s łukoj ob ekstradicii.