Supracoŭniki biełaruskaj mytni padčas apieratyŭna-vyšukovych mierapryjemstvaŭ kanfiskavali kala dvuch kiłahramaŭ hašyšu. Jak paviedamlajecca, narkotyk byŭ uviezieny z Polščy i schavany ŭ karobcy pieradač aŭtamabila.
Zatrymanyja śćviardžajuć, što atrymali hetuju detal ad nieviadomaha čałavieka na terytoryi susiedniaj krainy i pavinny byli pieradać jaje žycharu Minska dla asabistaha karystańnia. Jany zajavili, što nie viedali pra najaŭnaść narkotykaŭ unutry.
Padčas dalejšych śledčych dziejańniaŭ było ŭstanoŭlena, što atrymalnikami hruzu pavinny byli stać dvoje niepaŭnaletnich.
U dačynieńni da adnaho ź fihurantaŭ zaviali kryminalnuju spravu za niezakonnaje pieramiaščeńnie narkatyčnych srodkaŭ praz mytnuju miažu. Pavodle zakanadaŭstva, jamu pahražaje da dziesiaci hadoŭ pazbaŭleńnia voli.
Na mytni paviedamili, što rasśledavańnie praciahvajecca i ciapier ustanaŭlivajuć usich mahčymych udzielnikaŭ transnacyjanalnaj złačynnaj hrupy.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary