U Biełarusi chočuć paskoryć prybirańnie z vulic i inšych terytoryj kinutych i nieekspłuatavanych aŭtamabilaŭ. Alaksandr Łukašenka padpisaŭ źmieny va ŭkaz ab zbory, zachoŭvańni i nastupnaj utylizacyi takoha transpartu.
Źmieny pavinny spraścić pracu vykankamaŭ i arhanizacyj, jakija zajmajucca kinutymi mašynami, a taksama skaracić čas, nieabchodny dla pryznańnia transpartu biezhaspadarnym.
Pavodle novych pravił, da nieekspłuatavanych transpartnych srodkaŭ buduć adnosić nie tolki aŭtamabili, ale i niaspraŭnyja samachodnyja mašyny — naprykład, traktary i padobnuju techniku, kali jany pakinutyja pa-za miežami prydamavych terytoryj pryvatnych damoŭ i śpiecyjalnych stajanak.
Miascovyja ŭłady zmohuć nadzialać adpaviednymi paŭnamoctvami arhanizacyi, jakija buduć zajmacca takim transpartam. Jany, jak i vykankamy, atrymajuć mahčymaść vyśviatlać, kamu naležyć kinutaja mašyna abo chto maje da jaje dačynieńnie.
Dla hetaha buduć vykarystoŭvać roznyja źviestki: pra mahčymych uładalnikaŭ, strachavańnie transpartnaha srodku, prachodžańnie techahladu, a taksama vypłaty štrafaŭ. Vyjaŭlenym asobam buduć nakiroŭvać adpaviednyja paviedamleńni.
Asnoŭnaja źmiena tyčycca terminaŭ. Raniej zajavu ŭ sud ab pryznańni transpartnaha srodku biezhaspadarnym i pieradačy jaho va ŭłasnaść adpaviednaj administracyjna-terytaryjalnaj adzinki treba było padavać praz 30 dzion. Ciapier hety termin skaročany da 10 dzion.
Takim čynam, pracedura pavinna stać značna chutčejšaj, a kinutyja aŭtamabili, traktary i inšaja nikomu nie patrebnaja technika — chutčej źnikać z vulic i inšych hramadskich terytoryj.
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku19
Kamientary