Jak 29‑hadovy biełarus navučyŭsia šyć pa jutubie i stvaryŭ biznes na rečach sa śmiećcia
Artur Dubovik prydumaŭ, jak manietyzavać śmiećcie. Ekśpierymienty z materyjałami dla tvorčaści vylilisia ŭ paŭnavartasny biznes-prajekt. Małady pradprymalnik stvaraje ekamierč dla bujnych kampanij i brendaŭ, a jaho zarobak užo niekalki razoŭ pieravyšaje siaredni zarobak pa krainie, raskazvaje Myfin.
Na starcie abyšłosia amal biez układańniaŭ
Małady čałaviek navučyŭsia šyć pa videaŭrokach, a pieršyja zadumki ŭvasablaŭ u žyćcio na maminaj šviejnaj mašyncy. U samym pačatku šlachu vyraby byli prostymi i nie zaŭsiody ŭdałymi, ale hierojem kiravała cikaŭnaść, jakaja i pryviała da stvareńnia aksiesuaraŭ ź nietradycyjnaj dla hetych metaŭ syraviny. Modnyja sumki i kašalki naradžajucca z kafiejnych upakovak i batutnych sietak. U 22 hady ekaaktyvist navat nie ŭśviedamlaŭ, što zapuskaje ŭłasny biznes, jaki stanie asnoŭnaj krynicaj dachodu.
Artur šukaŭ prydatnyja dla pierarobki madeli ŭ sekand-chendzie i daryŭ druhoje žyćcio rečam u chatniaj majsterni, amal nie nabyvajučy dadatkovyja materyjały. Zasnavalnik ekabrenda adznačaje, što adsutnaść prafiesijnaha pamiaškańnia i sučasnaj techniki nie pieraškodziła tvorčaści. Pavodle słoŭ dyzajniera, nazva Iriskin eco lab źjaŭlajecca jaho psieŭdanimam. Piersanaž ź sieryjała «Usie nienavidziać Krysa» ŭvasablaje duch pradprymalnictva i lubimyja spravy, jakija možna manietyzavać.
— Pieršapačatkova ja byŭ ramieśnikam, potym samazaniatym, i ciapier IP. Vidy dziejnaści mianialisia, i ja vyras u paŭnavartasny biznes-prajekt.
Ciapier modnyja aksiesuary naradžajucca ŭ prafiesijnaj majsterni. Štomiesiac na arendu pamiaškańnia, padatki, a taksama dadatkovyja tkaniny i furnituru idzie kala 900 rubloŭ.
Salidnaja suma vydzialajecca i na nabyćcio novaha abstalavańnia. U liku apošnich pakupak — termapres dla vypiakańnia płastykavych pakietaŭ i mašynka dla ŭstanoŭki knopkavaj furnitury.
Asnoŭnymi pastaŭščykami materyjałaŭ źjaŭlajucca kafiejni i batutnyja centry, asobnyja kampanii i prosta ekaaktyvisty, jakim impanuje ideja hramatnaj pierarobki.
Što tyčycca cen na ekałahičnyja pazicyi, to stać haspadarom šopiera z batutnaj sietki možna za 140 BYN. Kašalok z upakoŭki dla kavy kaštuje 60 rubloŭ, zaplečnik-roł kaštavaćmie 250, jak i čachoł dla skiejtborda.
Kali vy pryniesiacie niepatrebnuju kafiejnuju ŭpakoŭku, to zmožacie nabyć vyrab z pryjemnaj źnižkaj. Znajści tavary ź nietryvijalnaj syraviny možna na sajcie i ŭ sacsietkach brenda, a voś da vychadu na markietpłejsy apsajkler nie imkniecca.
— Na markietpłejsach maich vyrabaŭ niama. Ja stvaraju na 80% unikalnyja aksiesuary, jakija nie adnosiacca da masavaj vytvorčaści. Ciapier vielmi ciažka pradavać na markietpłejsach praź vialikija kamisii. Taksama patrebny paŭnavartasny štat, kab raźvivacca ŭ hetym kirunku.
Pra kałabaracyi z bujnymi brendami
Artur nie tolki raspracoŭvaje dyzajn vyrabaŭ i zajmajecca pašyvam, ale taksama adkazvaje za prasoŭvańnie brenda. Małady čałaviek pryznajecca, što rekłama zabiraje bolš času, čym hrošaj.
— U mianie jość siabry i znajomyja, jakija zaŭsiody rady dapamahčy. Naprykład, sajt stvaryła dziaŭčyna z našaha ekakamjunici. U hod absłuhoŭvańnie płatformy kaštuje 250 rubloŭ. Viadu instahram @iriskin.ecolab, tarhiet nie naładžvaju — addaju pieravahu raskazvać pra brend biaspłatna na prastorach Threads.
Samaj jaskravaj B2B-kałabaracyjaj Artur ličyć supracoŭnictva z bujnym mabilnym apierataram krainy. Taksama ŭdałosia pasupracoŭničać z AAN i UNICEF: adbylisia lekcyi i praktyčnyja zaniatki dla dziaciej i baćkoŭ.
— Pravodzim usio bolš majstar-kłasaŭ dla kampanij. I z kožnym miesiacam heta aktyŭnaść nabiraje abaroty, asabliva letam na karparatyvach i cimbiłdynhach.
Ekałahičnyja aksiesuary vybirajuć pakupniki ad 16 da 50 hadoŭ. Stvaralnik Iriskin eco lab padkreślivaje, što ŭ asnoŭnym heta ludzi, jakija ceniać ručnuju pracu.
«Moj dachod adnaznačna vyšejšy za siaredni zarobak»
Vyjaviłasia, što ŭ ekabiznesie jość svaja siezonnaść. Prybytak niestabilny i zaležyć ad kolkaści zakazaŭ. Bolš za ŭsio ŭdajecca zarabić viasnoj i letam, kali jość zapyt na majstar-kłasy dla karparatyvaŭ.
— Moj dachod adnaznačna vyšejšy za siaredniuju zarpłatu, a časam pieravyšaje jaje ŭ razy.
U płanach — raźvivać liniejku vyrabaŭ, pašyrać asartymient i vychodzić na novyja rynki.
— Ja nie pradaju tavar, jaki patrebny kožnamu, a sam stvaraju svaju nišu i popyt na pradukt, tamu mnie važna danieści jaho kaštoŭnaść.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
kto płatit za takoje 140 BYN, točno nie sovsiem zdorov