Były ministr abarony Ukrainy Michaił Fiodaraŭ, niadaŭna sa skandałam zvolnieny sa svajoj pasady, zaklikaŭ pačać pošuk miechanizmu dla praviadzieńnia vybaraŭ u krainie navat va ŭmovach praciahłaj vajny. U svaim zvarocie 18 žniŭnia jon zajaviŭ, što Rasija nie pavinna vyznačać, kali ŭkraincy zmohuć znoŭ abirać uładu, piša «Ukrainskaja praŭda».
Na dumku Fiodarava, nieabchodna adkazać na pytańnie, jak pavinna funkcyjanavać dziaržava, kali vajna praciahvajecca hadami. Jon ličyć, što demakratyja nie moža zastavacca zakładnicaj rasijskaj ahresii i što Ukraina pavinna znajści zakonny, biaśpiečny i realistyčny sposab adnavić paŭnavartasny demakratyčny praces.
Palityk pryznaŭ, što heta niaprostaja zadača, bo treba zabiaśpiečyć mahčymaść hałasavańnia dla vajskoŭcaŭ, miljonaŭ ukraincaŭ za miažoj i žycharoŭ pryfrantavych rehijonaŭ, a taksama harantavać biaśpieku vybaraŭ, niezaležnaść instytutaŭ i davier da vynikaŭ. Adnak, pavodle jaho słoŭ, składanaść nie aznačaje niemahčymaści.
Fiodaraŭ taksama vykazaŭ zaniepakojenaść tym, što ŭ hramadstvie moža ŭźniknuć uražańnie, nibyta hałoŭnym kryteryjem dla pryznačeńnia na dziaržaŭnyja pasady stanovicca asabistaja łajalnaść, a nie prafiesijanalizm i vyniki pracy. Jon padkreśliŭ, što takaja madel nieprymalnaja dla sučasnaj dziaržavy, asabliva toj, jakaja viadzie vajnu za svajo isnavańnie.
Asobna były ministr zakranuŭ prablemu karupcyi, adznačyŭšy, što padčas vajny jaje nastupstvy stanoviacca asabliva niebiaśpiečnymi. Akramia taho, jon zajaviŭ, što kraina nie pavinna nadoŭha zastavacca biez paŭnavartasna pryznačanaha ministra abarony, pakolki va ŭmovach vajny nieabchodna štodnia prymać važnyja rašeńni.
Zajava Fiodarava prahučała na fonie praciahłych akcyj padtrymki byłoha kiraŭnika abaronnaha viedamstva i paśla ŭniasieńnia prezidentam Uładzimiram Zialenskim u parłamient kandydatur na pasady ministraŭ abarony i zamiežnych spraŭ.
Va Ukrainie apublikavali śviežy palityčny rejtynh. Zialenski nie na pieršym miescy
Ministr abarony Italii prapanavaŭ eks-ministru abarony Ukrainy Fiodaravu pasadu
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
«Zaściłajcie łožak». Dzianis «Redzis» Prakapienka adkamientavaŭ zvalnieńnie Fiodarava mietafaryčna
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?4
Kamientary
Kak ministr oborony (hraždanskaja drłžnosť) był naviernoje niepłoch, razhovarivať s zapadnikami umieł.