«Palot zamiest piaci hadzin zaniaŭ dziesiać». Siamja futbalista Alaksandra Hleba nie biez pryhod dalacieła da Stambuła
Znakamity biełaruski futbalist Alaksandr Hleb zastaŭsia doma, a jaho žonka-błohierka Śviatłana razam ź dźviuma dočkami palacieła adpačyvać u Turcyju.
Pra ciažkuju darohu ŭ vodpusk Śviatłana Hleb raspaviała ŭ instahramie. Pieršapačatkova vylet byŭ pryznačany na 5:15 ranicy, ale ŭžo ŭ aeraporcie siamju čakaŭ siurpryz: vylet pieranieśli na dźvie hadziny.
Śviatłana daviedałasia, što ŭ minskim aeraporcie jość pakoi adpačynku. Jana arandavała taki z nadziejaj, što dzieci zmohuć paśpiać — ale tym užo było nie da snu.
Pasadka prajšła pa novym raskładzie, ale ŭ vyniku samalot uźlacieŭ jašče na čatyry hadziny paźniej. I na hetym historyja nie skončyłasia: zamiest piaci zapłanavanych hadzin samalot lacieŭ dziesiać hadzin — z dazapraŭkaj u Tbilisi.
«Voś takija časy», — pa-fiłasofsku adznačaje błohierka. Jana vykazała svaju padziaku «Biełavija»: «Palot idealny i absłuhoŭvańnie — chacia samalocik adčuvajecca, što nie novy».
Pryziamlicca ŭ Turcyi siamja futbalista musiła ab 11‑j ranicy, a pa fakcie prylacieła kala siomaj hadziny viečara.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks18
Kamientary