Simulatar biełarusa. Chutka vyjdzie hulnia, u jakoj treba čyścić bulbu
Studyja Golden Horn Studios pradstaviła niezvyčajny simulatar Potato Please, u jakim hulcu daviadziecca ad pieršaj asoby čyścić haru bulby dla armii.
Spačatku ŭ hieroja jość tolki nož, viadro i kuča bulby. Kožnuju bulbinu treba ŭziać u ruki, pačyścić i kinuć u vadu.
Za zaroblenyja hrošy hulec zmoža kuplać bolš efiektyŭnyja instrumienty, a paśla — mašyny, jakija dazvolać pierapracoŭvać adrazu vialikija partyi bulby i pastupova aŭtamatyzavać vytvorčaść.
Raspracoŭščyki taksama abiacajuć realistyčnuju fiziku.
U Steam hulniu adnosiać da simulataraŭ z elemientami čornaha humaru i antyŭtopii, a siarod tematyčnych paznak jość taksama «chałodnaja vajna». Raspracoŭščyki apisvajuć zadaču hulca tak: dziaržava davieryła jamu adkaznuju misiju — zabiaśpiečyć armiju ježaj.
Dakładnaja data vychadu Potato Please pakul nie abvieščanaja. Hulnia ŭžo źjaviłasia ŭ Steam, dzie jaje možna dadać u śpis žadanaha.
-
U Aŭstralii mietearadary pačali pakazvać doždž, jakoha niama. Akazałasia, što heta miljony matylkoŭ
-
Darosłyja ŭsio čaściej kuplajuć cacki dla siabie, a dziaciej naradžajuć usio mienš. Što adbyvajecca?
-
Kasatki navučylisia palavać na vialikich biełych akuł i zdabyvać ich piečań. Navukoŭcy zaniepakojenyja nastupstvami
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
"Bulbiaš" - saviecki impierski stereatyp, pahaniała. A tut jašče i rabskaja padsobnaja dla armii praca.
Hučyć jak "žart" abo złaja ironija. Biazdumnaja, jak u historyi ź lapam Kavieryna pra "raździecca dla palitviaźniaŭ". I jak z Kavierynym, miarkuješ, što taki zły durnavaty ździek chutčej u maniery antybiełaruskich prapahandystaŭ, jak "Žiołtyje ślivy", impiercaŭ "biełarusy nie vartyja ničoha" i t.p.
Dumajcie trochi.