Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Duchoŭnik Śviata-Jelisaviecinskaha manastyra Andrej Lemiašonak pryznaŭsia, što jaho vyklikajuć užo šmat hadoŭ, piša «Chryścijanskaja vizija».
«Voś ja zaraz znachodžusia sapraŭdy na parachavoj bočcy ŭžo šmat hadoŭ, tamu što ja nie viedaju, chto što napiša na nas, i mianie vyklikajuć. Razumiejecie, heta lohka skazać, kali ty adkazvaješ za ludziej, heta zusim pa-inšamu, razumiejecie? Heta zusim pa-inšamu. Ale heta daje mahčymaść nie rassłabicca, ale ŭ niejki momant stanovicca vielmi ciažka. Vielmi ciažka, ščyra kažučy, tak. I chočacca niejkaha pieradychu», — skazaŭ jon padčas svajoj pieradačy na jutubie.
Hod tamu ŭ manastyry prypyniali pryjom zapisak na miescach — heta było źviazana ź finansavaj pravierkaj, źviartaje ŭvahu «Chryścijanskaja vizija». Reviziju inicyjavała jak kiraŭnictva BPC, tak i dziaržaŭnyja orhany. Padstavaj pasłužyli skarhi na finansavyja złoŭžyvańni ŭ manastyry.
Lemiašonak u pieradačy taksama pryznaŭsia, što siostry jaho manastyra praciahvajuć handlavać u Francyi i Šviejcaryi. Jon raskazaŭ, što jany tolki niadaŭna viarnulisia z pajezdki.
Ich padarožža na biełaruskich numarach pa krainach Zachodniaj Jevropy Lemiašonak nazvaŭ «hieraičnym».
Śviata-Jelisaviecinski manastyr viadomy tym, što padtrymlivaje Rasiju ŭ vajnie suprać Ukrainy.
Letaś Lemiašonku Pucin asabista ŭručyŭ miedal Puškina — «za vialiki ŭkład u zachavańnie i papularyzacyju ruskaj movy i kultury za miažoj». Taki ž miedal atrymała i hrodzienskaja ihumieńnia Haŭryiła.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
NN: "3 kastryčnika ŭ Navahrudskim rajonie adbyŭsia štohadovy chresny chod da miesca, viadomaha jak «Navahrudskaja Hałhofa». Heta miesca, dzie paśla prychod savieckaj ułady ŭ Zachodniaj Biełarusi ŭ 1939 hodzie byŭ zabity Hrecki protaijerej Mikałaj Niadźviedski, paviedamlaje navahrudski carkoŭny prychod."
Zusim nie ździŭleny, + treba rabić Biełaruski Hrecki zbor niezaležnym. Kab nie parušać kananičnaha prava